საქართველოს პრემიერ-მინისტრი ირაკლი ღარიბაშვილი უკრაინაში, ყირიმის პლატფორმის სამიტის ფარგლებში, უკრაინის პრეზიდენტმა ვოლოდიმირ ზელენსკიმ პირველი ხარისხის ორდენით - „დამსახურებისთვის" დააჯილდოვა.
ბრიტანულმა „როიტერ“-მა (Reuters) თავის ვებ-გვერდზე გამოაქვეყნა სტატია სათაურით „გაქცევა ქაბულიდან: ავიაკომპანიის პილოტის ნაამბობი“ (ავტორი - ოგნენ თეოფილოვსკი), რომელშიც გადმოცემულია, თუ როგორ მოახერხა ავღანეთის დედაქალაქში გამეფებული ქაოსის პირობებში მგზავრების მშვიდობიანი გაყვანა ერთ-ერთი თვითმფრინავის ეკიპაჟმა.
ამერიკული გაზეთი „ნიუ-იორკ თაიმსი“ (The New York Times), ავღანურ თემატიკაზე მასალების პუბლიკაციისას, აქვეყნებს სტატიას სათაურით „რუსეთი - შუამავალი თალიბებსა და პროამერიკული ხელისუფლების ნარჩენ წარმომადგენლებს შორის“ (ავტორი - ენდრიუ კრამერი), რომელშიც კომენტარი აქვს გაკეთებული რუსეთის სავარაუდო საშუამავლო როლს პანჯშერის ხეობაში თავშეფარებულ ავღანეთის ვიცე-პრეზიდენტის მომხრეებსა და თალიბებს შორის.
„ავღანეთში დასავლეთის ფიასკო შეიძლება აიხსნას იმით, რომ აშშ-ისა და მის ნატოელ მოკავშირეთა გადაწყვეტილებებში მხოლოდ იდეოლოგიური ფაქტორი დომინირებდა, გეოგრაფია კი საერთოდ დავიწყებული იყო“, - ამბობს ლიონის უნივერსიტეტის პროფესორი, ახლო აღმოსავლეთის პრობლემების კვლევის ჯგუფის ხელმძღვანელი ფაბრის ბალანში გაზეთ „ლე ფიგაროს“ (Le Figaro) კორესპონდენტთან ეჟენი ბუალესთან საუბრის დროს. ინტერვიუს ტექსტი გაზეთში გამოქვეყნებულია სათაურით „აშშ-ის კრახი ავღანეთში: გეოგრაფიის შურისძიების ნიმუში“.
როგორც ამერიკული „უოლ სთრით ჯორნელი“ (The Wall Street Journal) წერს სტატიაში სათაურით „აშშ-ის სახელმწიფო დეპარტამენტს ქაბულიდან საელჩო ატყობინებდა, რომ კრახი ახლოვდება“ (ავტორი - ვივიან სალამა), თურმე ამერიკის სახელმწიფო დეპარტამენტმა ერთი თვით ადრე იცოდა, რომ ცენტრალური სადაზვერვო სააგენტოს პროგნოზების მიუხედავად, თალიბები ქაბულს სწრაფად დაიკავებდნენ, მაგრამ არაფერი არ გააკეთა ქაოსური სიტუაციის აღკვეთის მიზნით.
იმერეთში მასობრივი იმუნიზაციის პირველი ცენტრი გაიხსნა.
Stopcov.ge-ზე გამოქვეყნებული ინფორმაციის თანახმად, დღევანდელი მონაცემებით, ჩატარდა 22 875 ტესტი, გამოვლინდა ინფიცირების 2 354 ახალი შემთხვევა, გამოჯანმრთელდა 5 200 პირი, დადებითობის დღიური მაჩვენებელი არის 10.29%.
დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, თუ პედაგოგების, პროფესორ-მასწავლებლების, სტუდენტების და ასევე, ადგილზე მომუშავე ადმინისტრაციული პერსონალის 80% სრულად ვაქცინირებული იქნება, შესაძლოა, სასწავლო პროცესი ჩვეულ რეჟიმში ჩატარდეს.
67 წლის ასაკში "ღიმილის ბიჭების" მსახიობი, "ბოლოკას" როლის შემსრულებელი, გოჩა ლომია გარდაიცვალა.
ექსპერტი გია ხუხაშვილი მიიჩნევს, რომ მიმდინარე ეპიდსიტუაციისა და გარდაცვლილთა რაოდენობის გათვალისწინებით ქვეყანაში გლოვის დღეები უნდა გამოცხადდეს.
