ეროვნული ბანკის მიერ გამოქვეყნებული მონაცემების თანახმად, 20 ივლისისთვის ერთი ამერიკული დოლარი 3.1076 ლარი ეღირება, ევრო – 3.6592 ლარი, ხოლო ბრიტანული გირვანქა სტერლინგი – 4.2596 ლარი.

საქართველო, უკრაინა და მოლდოვა მზად ვართ და გამიზნული გვაქვს, ვიბრძოლოთ ევროპული მომავლისთვის, ვებრძოლოთ პოლარიზაციის შემთხვევებსა და გამოწვევებს როგორც გარედან, ისე შიგნიდან, – ამის შესახებ საქართველოს პრეზიდენტმა სალომე ზურაბიშვილმა "ასოცირებული ტრიოს" მიერ ბათუმის სამიტის დეკლარაციის ხელმოწერის შემდეგ პეტრას ციხეზე განაცხადა.

"ერთ-ერთი პირველი ქვეყანა, რომელთანაც აზერბაიჯანი საზღვარს გახსნის, საქართველო იქნება", - ამის შესახებ ეკონომიკისა და მდგრადი განვითარების მინისტრის მოადგილემ, მარიამ ქვრივიშვილმა დარგობრივი ეკონომიკისა და ეკონომიკური პოლიტიკის სხდომაზე გამოსვლისას განაცხადა. 

აღმოსავლეთ საქართველოს ბარში სინოპტიკოსები ცხელ და უნალექო ამინდს პროგნოზირებენ. 20-21 ივლისს საშუალო ტემპერატურა 38-41 გრადუსი დაფიქსირდება. 22 ივლისს კი ჰაერის ტემპერატურა მცირედით დაიკლებს და 35 გრადუსი იქნება. მოსალოდნელია ხანმოკლე წვიმაც. 

Stopcov.ge-ზე გამოქვეყნებული ინფორმაციის თანახმად, დღევანდელი მონაცემებით, ჩატარდა 34 979  ტესტი,  გამოვლინდა ინფიცირების 1 808  ახალი შემთხვევა, გამოჯანმრთელდა 361  პირი, დადებითობის დღიური მაჩვენებელი არის  5.17 %.

ისრაელში კორონავირუსთან ბრძოლის საკითხს ფრანგული გაზეთი „ლე ფიგაროც“ («Le Figaro») ეხმაურება. სტატიაში სათაურით „რატომ იწყებენ ისრაელში ისევ ლოქდაუნზე ლაპარაკს“ (ავტორი - ჟანა სენეშალი) ნათქვამია, რომ მოსახლეობის 60%-ის აცრის მიუხედავად, პრემიერ-მინისტრმა ნაფთალი ბენეთმა 14 ივლისს განაცხადა, რომ ლოქდაუნის შემოღება შეიძლება მოხდეს, მაგრამ ეს უკიდურეს შემთხვევაშიო.

„კი, ყველაზე იოლი იქნებოდა ჩვენ ისევ ლოქდაუნი გაგვეხორციელებინა, როგორც ამას ადრე ვაკეთებდით, მაგრამ ცვენ უპირატესობა სხვა მეთოდს მივანიჭეთ. რასაკვირველია, არ არის გამორიცხული ლოქდაუნიც შემოვიღოთ, მაგრამ ამ მკვეთრი ზომის მიღება მხოლოდ უკიდურეს შემთხვევაში მოხდება. ვირუსის დელტა-ვარიანტის მიერ გამოწვეული ახალი ტალღის ჩარჩოებში ჩვენ თანამოქალაქეებთან თანამშრომლობის გზა ვარჩიეთ. იქნება თუ არა ლოქდაუნი, ეს ჩვენი მოსახლეობის ქცევაზეა დამოკიდებული“, - განაცხადა პრემიერმა და მოსახლეობას აცრებისაკენ მოუწოდა“.

„სხვათა შორის, ისრაელის პრემიერის განცხადებამ საფრანგეთში გარკვეული გამოხმაურება გამოიწვია, სადაც უკვე მოსახლეობაში ბუნტის განწყობა სუფევს - სანიტარული საშვების შემოღების გამო, რომელიც ემანუელ მაკრონმა გამოაცხადა“, - წერს „ლე ფიგარო“, რომლის კორესპონდენტი ფრანგ ეპიდემიოლოგს ჯონათან რუს ესაუბრება. იგი ერთმანეთს ადარებს ისრაელის, საფრანგეთისა და დიდი ბრიტანეთის მონაცემებს. „ამჟამად ისრაელში მოსახლეობას ლოქდაუნის შემოღების შესაძლებლობით უფრო უარეს დროს ახსენებენ, რათა მოქალაქეებმა მეტი პასუხისმგებლობა იგრძნონ“, ამბობს ფრანგი ექსპერტი.

სტატიის დასასრულს ავტორი მკითხველებს ისრაელში შემოღებულ ანტიკოვიდურ წესებს აცნობს და პრემიერ-მინისტრის ნათქვამის ციტირებას ახდენს: „ებრაული სახელმწიფო აღადგენს პირბადის ტარებას დახურულ სივრცეში და იმავდროულად სთხოვს მოქალაქეებს, რომ პირბადე ქუჩაშიც გაიკეთონ, თუ ისინი შეკრებილ ადამიანებს შორის იმყოფებიან, ან იმ ადგილზე, სადაც შეუძლებელია სოციალური დისტანციის დაცვა. გაძლიერებულია პოლიციის როლი წესების დაცვის გაკონტროლებაში. ჩვენ ვერ დავუშვებთ იმას, რომ ზოგიერთმა მოქალაქემ სხვებს ზიანი მიაყენოს... ნუ დაგეგმავთ შვებულების გატარებას სხვა ქვეყნებში, რადგანაც მალე ყველა ქვეყანა წითელი ფერით იქნება მონიშნული. შესაბამისად, თქვენი შვებულების სხვა ქვეყანაში გატარება ანულირებული“, - ამბობს პრემიერი.

საინტერესოა, ესმით თუ არა ეს განცხადება იმ მოქალაქეებს, რომლებიც აცრილები არ არიან და რას გააკეთებენ ისინი, თუ მართლაც იქნება ასეთი ზომები მიღებული“, - წერს ავტორი პუბლიკაციის დასასრულს.

 წყარო

“დიდი ხნის მოლოდინის შემდეგ დღეისათვის მსოფლიოში ყველაზე ეფექტური ვაქცინა „ფაიზერი" საქართველოშია და ვაქცინაცია 16 ივლისიდან დაიწყება.

ციციშვილის სახელობის ბავშვთა ახალ კლინიკაში ორი ახალშობილის კრიტიკულია.