ჩემი რჩევა იქნება, პარლამენტში ჩემი ყველა თანამებრძოლის და უბრალოდ ქვეყნის პატრიოტების და წესიერი ხალხის მიმართ - მიბაძონ ბატონ ხაზარაძეს, დატოვონ პარლამენტი და „ოცნება“ საკუთარ თავთან მარტო დატოვონ,- ამის შესახებ საქართველოს მესამე პრეზიდენტის მიხეილ სააკაშვილის გზავნილშია აღნიშნული, რომელიც მე-12 პენიტენციური დაწესებულებიდან გამოსვლის შემდეგ მისმა ადვოკატმა ნიკა გვარამიამ გაასაჯაროვა.

მთელი ციხე იცინის იმაზე, რომ დღეში სამ ლიტრ ლიმონათს სვამს ეს კაცი, - ამის შესახებ „ქართული ოცნების“ თავმჯდომარე ირაკლი კობახიძემ ჟურნალისტებს მიხეილ სააკაშილის შიმშილობასთან დაკავშირებით საუბრისას განუცხადა.

საქართველოს სახელმწიფო უსაფრთხოების სამსახურის სახელმწიფო უსაფრთხოების დეპარტამენტი სახელმწიფო ხელისუფლების დამხობის მიზნით შეთქმულების ფაქტზე აწარმოებს გამოძიებას. ამის შესახებ სუს-ში ბრიფინგზე განაცხადეს.

საქართველოს მესამე პრეზიდენტი მიხეილ სააკაშვილი კონსილიუმთან თანამშრომლობას წყვეტს და შიმშილობის შემამსუბუქებელ მკურნალობაზე უარს აცხადებს.

სააკაშვილის დაკავება, არღვევს არა მხოლოდ თქვენს ნაკისრ ვალდებულებას, არამედ საერთაშორისო კანონსაც - დაუყოვნებლივ უნდა გადაიყვანოთ სააკაშვილი სამოქალაქო საავადმყოფოში, ან უფრო შესაბამისი იქნებოდა, რომ გაათავისუფლოთ ის უკანონო და პოლიტიკურად მოტივირებული პატიმრობიდან, - ამის შესახებ მიხეილ სააკაშვილის ამერიკელი ადვოკატის ჯონ სენდვიჯის მიერ საქართველოს იუსტიციისა და ჯანდაცვის მინისტრებისთვის მიწერილ მიმართვაშია აღნიშნული.

პარტია „ხალხისთვის“ ლიდერი ანა დოლიძე „ნაციონალურ მოძრაობას“ მოუწოდებს, რომ დაუყოვნებლივ გამოიყენოს ევროპის ადამიანთა უფლებათა კონვენციის 39-ე მუხლით უზრუნველყოფილი დროებითი პროცედურა, მიმართოს სტრასბურგის სასამართლოს და მოითხოვოს სააკაშვილის გადაყვანა სამოქალაქო საავადმყოფოში.

გუშინ ღამე მიხეილ სააკაშვილის ანალიზებში ერთ-ერთი სასიცოცხლო მაჩვენებელი დაეცა კრიტიკულ ზღვრამდე და საჭირო გახდა რეანიმატოლოგთა ჩარევა, რის შემდეგაც დასტაბილურდა ეს მაჩვენებელი - ამის შესახებ მიხეილ სააკაშვილის უფლებადამცველმა დიტო საძაგლიშვილმა რუსთავის მე-12 პენიტენციური დაწესებულების დატოვების შემდეგ ჟურნალისტებს განუცხადა.

საქართველოს მესამე პრეზიდენტი მიხეილ სააკაშვილი ხელისუფლებას მიმართავს და სასამართლოში მიყვანას ითხოვს. 

საქართველოს ყოფილი პრეზიდენტი, მიხეილ სააკაშვილი რუსთავის მე-12 პენიტენციურ დაწესებულებასთან შეკრებილ მხარდამჭერებს ციხიდან მიესალმა.

"ციხის ადმინისტრაცია არ უნდა აყვეს პოპულისტურ გნცხადებებს და პროტოკოლით რაც არის გათვალისწინებული, იმის მიხედვით უნდა იხელმძღვანელოს - ასე ეხმაურება პოლიტოლოგი პაატა ზაქარეიშვილი ადოკატების განხადებას ციხეში მოშიმშლე ექსპრეზიდენტ მიხეილ სააკაშვილის შესაძლო ჰოსპტალიზაციასთან დაკავშირებით”, - წერს გაზეთი "რეზონანსი“ სტატიაში სათაურით, სად უნდა უმკურნალონ საჭიროების შემთხვევაში სააკაშვილს და რატომ თანხმდება იგი მხოლოდ კერძო კლინიკაში გადაყვანას.

"მთავარი არხის“ გენერალური დირექტორი და მიხეილ სააკაშვილის ერთ-ერთი ადვოკატი ნიკა გვარამია ვარაუდობს, რომ მისი დაცვის ქვეშ მყოფის ჰოსპიტალიზაციის საკითხი 3-4 დღეში დადგება. სააკაშვილის პოზიცია ჰოსპიტლიზაიასთან დაკავშირებით კი ცნობილია - იგი შიმშილობის დაწყების პირველივე დღიდანვე აცხადებს, რომ ჯანმრთელობის უკიდურესად გაურესების შემთხვევაშიც უარს ამბობს დახმარებაზე. თუმცა, სააკაშვილის კიდევ ერთი ადოკატი საძაგლიშვილი აცხადებს, რომ მისი სასიცოცხლო პარამეტრების შესანარჩუნებლად თუ აუცილებელი გახდება კერძო კლინიკაში ან საავადმყოში მოთავსება, ამ თვალსაზრისით წინაამდეგობა მიხეილ სააკაშვილის მხრიდან არ იქნება. ამასთან, საძაგლიშვილი არ გამორიცხავს, რომ ხელისუფლებამ უარი თქვას სააკაშვილის კერძო კლინიკაში გადაყვანაზე და ციხის საავადმყოფოში მოათავსონ, რადგან მმართველ გუნდს ყოფილი პრეზიდენტის საჯაროდ გამოჩენის ეშინია”, - აღნიშნავს გამოცემა.

"შიმშილობა ციხეში არის ჩვეულებრივი ამბავი და სააკაშვილი პირველი არ არის, ვინც ციხეში შიმშილობს. მისი ჯანმრთელობის მდგომარეობა თუ გაუარესდა, მას აღარავინ შეეკითხება როგორ იმოქმედონ. „ციხის საავადმყოფოს აქვს ყველა საშუალება, რომ შიმშილით გამოწვეულ გართულებებს უმკურნალოს. არის შემთხვევები, რომ მძიმე ოპერაციაა საჭირო და შეიძლება პატიმარს ეს მძიმე ოპერაცია ვერ ჩაუტარდეს ციხის საავადმყოფოში, მაგრამ სააკაშვილს ოპერაცია არ სჭირდება, ის მხოლოდ შიმშილობს. ასე რომ, ციხის საავადმყოფოს აქვს სრული იურიდიული უფლება კანონის შესაბამისად იმოქმედოს. „დავუშვათ და კერძო კლინიკაში ვინმე შევიდა ვირუსიანი, ან ვერ მოხერხდა მისი სათანადოდ დაცვა - ყველა შემთხვევაში პასუხისმგებელი მის ჯანმრთველობაზე და უსაფრთხოებაზე არის ხელისუფლება. ამიტომ, ციხის ადმინისტრაცია არ უნდა აჰყვეს პოპულისტურ განცხადებებს და პროტოკოლით რაც არის გათვალისწინებული, ისე უნდა მოიქცეს“, - განაცხადა „რეზონანსთან“ პაატა ზაქარეიშვილმა”, - წერს სტატიის ავტორი.