მოვუწოდებთ რუსეთს, უკან წაიღოს აფხაზეთისა და სამხრეთ ოსეთის ე.წ. დამოუკიდებლობის აღიარება. არსებითად მნიშვნელოვანია, რომ ასი ათასობით დევნილმა და ლტოლვილმა შეძლოს საკუთარ სახლში უსაფრთხოდ და ღირსეულად დაბრუნება, - ამის შესახებ საქართველოში ამერიკის საელჩოს მიერ გავრცელებულ განცხადებაშია ნათქვამი.
"2008 წლის აგვისტოში რუსეთის მიერ საქართველოს წინააღმდეგ დაწყებულმა ღია სამხედრო აგრესიამ პრეზიდენტი ალიევი შეაჩერა, დაეწყო მთიანი ყარაბაღის ძალით დაბრუნების უკვე მომზადებული გეგმის განხორციელება..."
ისრაელის გაზეთ „ჯერუზალემ პოსტ“-ის («The Jerusalem Post») 4 აგვისტოს ნომერში გამოქვეყნდა ისრაელში საქართველოს საგანგებო და სრულუფლებიანი ელჩის ლაშა ჟვანიას ინტერვიუ სათაურით „რუსეთთან მომხდარი ომიდან 12 წლის შემდეგ ქართველი ელჩი ამბობს, რომ 2008 წლის აგვისტოს ომი ევროპის გაფრთხილება იყო“.
გერმანული რადიოსადგური „დოიჩე ველე“ («Deustche Welle») პუბლიკაციაში სათაურით „რუსი ტურისტები აფხაზეთში შევიდნენ“ იტყობინება, რომ რუსეთმა საქართველოს სეპარატისტულ რეგიონთან - „აფხაზეთის რესპუბლიკასთან“ -კორონავირუსის გამო რამდენიმე თვის წინ ჩაკეტილი ჩაკეტილი საზღვარი ორი აგვისტოდან ისევ გახსნა (პრემიერ-მინისტრის მიხეილ მიშუსტინის განკარგულებით), რის შედეგადაც არაა გამორიცხული, რომ ეპიდომოლოგიური სიტუაცია მკვეთრად გაუარესდეს.
გერმანულ გაზეთ „ტაგესცაიტუნგ“-ში («Der Tageszeitung») სათაურით „პოლიტიკური გადაწყვეტილება ჯერ-ჯერობით არ ჩანს“ გამოქვეყნებულია ინტერვიუ კავკასიის საკითხების ექსპერტთან უვე ჰელბახთან, რომელშიც იგი მთიანი ყარაბაღის კონფლიქტის ფონზე სომხეთ-აზერბაიჯანის დაპირისპოირების გამწვავებაზე საუბრობს და მათ შორის სრულმასშტაბიანი ომის დაწყების საფრთხეს არ გამორიცხავს.
