რა შემთხვევაში უნდა მიიღოს კოვიდინფიცირებულმა ანტიბიოტიკები
ექიმ გიორგი ღოღობერიძის თქმით, კოვიდინფიცირებულმა პაციენტებმა თავი უნდა აარიდონ ექსპერიმენტების ჩატარებას საკუთარ თავზე.
მისივე თქმით, ადამიანებმა ანტიბიოტიკების თვითნებურად მიღებით, შესაძლოა, საკუთარი ჯანმრთელობის მდგომარეობა დაიმძიმონ. ექიმი განმარტავს, რომ ანტიბიოტიკების მიღება, მხოლოდ განსაკუთრებულ შემთხვევაში შეიძლება.
,,როცა ადამიანი სვამს ანტიბიოტიკს, ამის ფონზე წარმოიქმნება ნაწლავური მავნე ბაქტერიები, რომლებიც იწვევენ ფაღარათს. ფაღარათის ფონზე ადამიანს მარტივად შეიძლება დაეწყოს გამოშრობა, რაც არის ერთ-ერთი მძლავრი რისკ-ფაქტორი, რის გამოც შეიძლება ადამიანს დაემართოს თრომბოზი. ეს არის ჯაჭვი, ანტიბიოტიკი-ფაღარათი-თრომბოზი. აქედან გამომდინარე, ადამიანმა სრულიად უნებლიედ, შესაძლოა, თვითონ დაიმძიმოს მდგომარეობა, არაფრის გამო.
რა შემთხვევაში უნდა მიიღოს ადამიანმა ანტიბიოტიკი, თუ აქვს მაღალი ცხელება, 38/5 ტემპერატურის ზემოთ, სვამს სიცხის დამწევს და მდგომარეობა არ ემორჩილება, გარდა ამისა, თუ ჩატარებული სისხლის ანალიზის მიხედვით, აშკარად არის ბაქტერიისთვის დამახასიათებელი ნიშნები, ცერიაქტიული მაჩვენებელი აქვს 20-ზე ზევით და ვერ უკავშირდება ექიმს, მაშინ შეუძლია დაიწყოს ანტიბიოტიკის მიღება," - განაცხადა ,,დღის კურიერში" გიორგი ღოღობერიძემ.
სიახლეები
- გიდების “აჯანყება” აფხაზეთში - დე ფაქტო მინისტრი თანამდებობიდან გადადგა, მოსახლეობის 13% შეიძლება შემოსავლის გარეშე დარჩეს
- "ევროკავშირში უკრიანის წევრობის დასაწყისი დღეიდან აითვლება" - ზელენსკი
- უცხოური ვალუტის ოფიციალური კურსი 26 ივნისისთვის
- "ვენეციის კომისიის მოსაზრება უფრო პოლიტიკურია, ვიდრე სამართლებრივი, რეკომენდაცია კი ცესკო-ს კრიზისში შეყვანის რეცეპტია"
- ჰააგის სასამართლომ სერგეი შოიგუსა და ვალერი გერასიმოვის დაკავების ორდერი გასცა