ჯანდაცვის მინისტრის განცხადებით, კორონავირუსი სეზონური ვირუსია
საქართველოს ჯანდაცვის მინისტრი, ზურაბ აზარაშვილი ამბობს, რომ არ არსებობს განგაშის საფუძველი კორონავირუსთან დაკავშირებით. უწყების პრესსამსახურის გავრცელებული განცხადების მიხედვით, აღმოჩენილი ახალი შტამების დასახელების შესახებ მოსახლეობისთვის ინფორმაციის მიწოდება შესაძლოა მათთვის "ზედმეტი სტრესის მომტანი აღმოჩნდეს".
"მთელ მსოფლიოში, კორონავირუსი აღიქმება, როგორც ჩვეულებრივი, სეზონური ვირუსი. არანაირი განგაშისა და პანიკის საფუძველი არ არსებობს. მასზე განსაკუთრებული ყურადღება აღარც უნდა მახვილდებოდეს... ის, რაც კორონავირუსის გავრცელების კუთხით, წინა წლებში ფიქსირდებოდა, წარსულს ჩაბარდა და დღეს, მისი განმეორების არანაირი საფუძველი არ იკვეთება", - განაცხადა ზურაბ აზარაშვილმა.
თითქმის 9 თვეა საქართველოში აღარ ქვეყნდება კორონავირუსით ინფიცირების ყოველთვიური სტატისტიკაც კი, რამდენიმე თვით ადრე ეს მონაცემები ყოველდღიურად იყო ხელმისაწვდომი. კორონავირუსის გავრცელების საკითხი მნიშვნელოვანი მას შემდეგ გახდა, რაც მედიამ დაიწყო ახალი შტამის აღმოჩენის შესახებ ინფორმაციის გავრცელება.
კორონავირუსის პირველი შემთხვევა გამოვლინდა ჩინეთის ქალაქ უხანში, შემდეგ კი მთელ მსოფლიოში გავრცელდა. მისი ოფიციალური სახელია - ახალი კორონავირუსი, COVID-19. საქართველოში ინფიცირების პირველი შემთხვევა დაფიქსირდა 2020 წლის 26 თებერვალს. მას შემდეგ დაინფიცირდა 1,7 მილიონზე მეტი ადამიანი, დაღუპულთა რაოდენობა კი 1,6 ათასს აჭარბებს.
სიახლეები
- “აგენტების კანონის” საკომიტეტო განხილვიდან ანრი ოხანაშვილმა 7 დეპუტატი გააძევა
- ''ოპოზიციამ ხალხს მოუსმინოს და ეცადოს, რომ სწორი სამოქმედო გზა ხალხთან ერთად იპოვოს" - იაგო ხვიჩია
- "ვისაც ეჭვი ეპარება, რა ხდება ქვეყანაში, უყურეთ სხდომას, სადაც ოპოზიციონერ დეპუტატებს კითხვის დასმის შესაძლებლობას არ აძლევენ - „ოცნება“ ატყუებს იმ ხალხს, ვისაც დღეს ე.წ სახალხო შეკრებაზე მოერეკება" - სალომე სამადაშვილი
- სამარხვო პიცა
- "ჩემი აზრით, საიამ უნდა თქვას, რომ დიახ, ამერიკული ძალა მაფინანსებდა და ამერიკული და ევროპული ძალის ინტერესი იყო, საქართველოს სტრასბურგში სრულყოფილი სარჩელი წარედგინა - ამაში სასირცხვილო არაფერია! " - მამუკა მდინარაძე