როგორც ჟურნალისტი ამბობს ოთო კვალიაშვილი მასთან სახლში ორ პირთან ერთად არაფხიზელ მდგომარეობაში მივიდა და დღეს მედიით გავრცელებული მასალების წაშლას მოითხოვდა.

,,მომივარდა სახლში, იყო ჩხუბისა და ორომტრიალის ხასიათზე, მთხოვდა ჟურნალისტების მიერ გამოქვეყნებული მასალების წაშლას. შემდეგ დაიწყო მუქარა, თავს გაგიჩეჩქვავთ და ამოგბუგავთო.” – ამბობს ჟურნალისტი ბუბა ჩივაძე.

მისივე თქმით მან პოლიცია გამოიძახა, რის შემდეგადაც ოთო კვალიაშვილი განყოფილებაში გადაიყვანეს.

შეგახსენებთ, რომ გუშინ, ჟურნალისტების მიერ მერიის წინ ლექსო ლაშქარავას ხსოვნისადმი მიძღვნილ მდუმარე აქციაზე ოთო კვალიაშვილმა თანმხლებ პირთან ერთად ჟურნალისტებს სიტყვიერი შეურაცხყოფა მიაყენა.

როგორც ცნობილია ამ ფაქტს მერიაში სწავლობენ. მედია გადაწყვეტილების მოლოდინშია.