მოქალაქეები მოძრაობის უსაფრთხოების რეგულაციების იმ უწყებებისგან ითხოვენ, რომელთა ვალდებულებასაც საგზაო-სატრანსპორტო უსაფრთხოების უზრუნველყოფაა.

როგორც აქცია-მსვლელობის ორგანიზატორები აცხადებენ, აღნიშნულ გზაზე ძალიან ხშირია საავარიო შემთხვევები და არაერთი შემთხვევა დასრულდა ფატალურად, თუმცა რეალობა არ შეცვლილა და აღნიშნული გზა დღემდე საფრთხის შემცველია. მათი განცხადებით, ქუთაისი-წყალტუბოს გზაზე არ არსებობს სიჩქარის შემზღუდველი და მარეგულირებელი არცერთი ნიშანი.

"ერთი წლის განმავლობაში 20-მდე ადამიანი შავდება სტატისტიკურად, შვიდამდე იღუპება და ასე გრძელდება წლებია. მოვუწოდებთ პასუხისმგებელ უწყებას და დღესვე შეგვაქვს წერილი საგზაო დეპარტამენტში მიიღოს ყველა ზომა და დაარეგულირონ მოძრაობის უსაფრთხოება. შეიძლება ეს იყოს მწოლიარე თუ ცოცხალი პოლიეცელი და ა.შ", - ამბობს აქციის ერთ-ერთი ორგანიზატორი, აკაკი საღინაძე.