ორგანიზაცია „ჰერას" თანამედროვე სტანდარტების მობილური მამოგრაფი გადაეცა, რომელიც დასავლეთ საქართველოს რეგიონებს მოემსახურება
საქართველოში იაპონიის საელჩოს მიერ გამოცხადებული „გრასრუტებისა და ადამიანთა უსაფრთხოების საგრანტო დახმარებისა და კულტურული პროექტის“ ფარგლებში, ორგანიზაცია „ჰერამ“ თანამშრომლობის ხელშეკრულება გააფორმა, რომლის საფუძველზეც ორგანიზაციას გადაეცა თანამედროვე სტანდარტების მობილური მამოგრაფი.
„ჰერამ“ საკუთარი სახსრებით უზრუნველყო შესაბამისი სპეციფიკაციის ავტომანქანა მამოგრაფიის აპარატის განსათავსებლად და გასასინჯი ოთახებისთვის.
ორგანიზაციის ერთ-ერთი ძირითადი მიმართულება სარძევე ჯირკვლის კიბოს სკრინინგია, რაც დაავადების ადრეულ გამოვლენას და შესაბამისად განკურნების მაღალ მაჩვენებელს განაპირობებს. სარძევე ჯირკვლის კიბო ქალებს შორის ყველაზე გავრცელებული კიბოს სახეობაა მსოფლიოში და საქართველოში ქალთა სიკვდილიანობის უპირველეს მიზეზს წარმოადგენს.
პრობლემა განსაკუთრებით მწვავედ დგას რეგიონებსა და სოფლებში, საიდანაც ქალბატონებს ძირითადად ტრანსპორტირებასთან და ქალაქში გადაადგილებასთან დაკავშირებული ხარჯების პრობლემა აქვთ, ან დატვირთული გრაფიკის გამო ვერ ახერხებენ კლინიკაში მისვლას.
მობილური კლინიკა უფასოდ მოემსახურება იმერეთის, ასევე დასავლეთ საქართველოს სხვა რეგიონებს დაავადებათა ადრეული გამოვლენის და სკრინინგის სახელმწიფო პროგრამის ფარგლებში.
„ჰერას“ კლინიკაში ჩატარდა მობილური კლინიკის გახსნის ცერემონია, რომელსაც იაპონიის საგანგებო და სრულუფლებიანი ელჩი საქართველოში ტადაჰარუ უეჰარა , იმერეთის რეგიონის და ქალაქ ქუთაისის მთავრობის ხელმძღვანელი პირები, ნაციონალურ დაავადებათა კონტროლის ცენტრის ხელმძღვანელობა და სხვა წამყვანი კლინიკების წარმომადგენლები ესწრებოდნენ.
სიახლეები
- "ერთადერთ რამეს ვთხოვ პოლიტიკურ პარტიებს, ერთმანეთის ლანძღვა ცოტა გააჩერონ" - პრეზიდენტი
- "პრეზიდენტი დიდ ეროვნულ საქმეს ეწევა ევროპული მომავლის გადასარჩენად, მაგრამ ამ ბრძოლაში იმ ადამიანის ციხეში მივიწყება, რომელმაც ქვეყანას ევროპის კარი გაუხსნა, გაუმართლებლად მიმაჩნია"
- " აფხაზეთში არ ვიმყოფები, რამდენიმე დღით მოსკოვში მივფრინავ" - ასლან ბჟანია
- მართლმადიდებელი ეკლესია გიორგობას აღნიშნავს
- "დასავლეთის შორ მანძილზე მოქმედი რაკეტებით რუსეთის ტერიტორიაზე დარტყმებმა უკრაინაში მიმდინარე კონფლიქტს გლობალური სახე მისცა"