ოპერის თეატრიდან, მე-3 სკოლამდე თეატრალიზებული ფემინისტური მსვლელობა გაიმართა. ხუთმა სპიკერმა ქალმა, იმ ცნობილი ქუთაისელი ქალბატონების შესახებ ისაუბრეს, რომლებიც ქალთა გიმნაზიაში სწავლობდნენ. ღონისძიებას საქართველოს სახელმწიფო მინისტრი შერიგებისა და სამოქალაქო თანასწორობის საკითხებში ქეთევან ციხელაშვილი ესწრებოდა, რომელიც ასევე მე-3 სკოლაში სწავლობდა. სკოლასთან შეკრებილებს სიტყვით მიმართა ქუთაისის მერმა გიორგი ჭიღვარიამ და მერის მოადგილემ ნინო თვალთვაძემ. ღონისძიების დასასრულს ქალაქის მერმა, "საქართველოს ვარსკვლავის" 2 მონაწილეს, თამარ ლაჭყებიანს და გიორგი ფრუიძეს სამახსოვრო საჩუქრები გადასცა. ქალთა დღისადმი მიძღვნილი ღონისძიება, "საქართველოს ვარსკვლავის" მონაწილეების მუსიკალური ნომრებით დასრულდა.