ქუთაისში ჯორჯ ბალანჩინის IV საერთაშორისო ქორეოგრაფიული ფესტივალი ჩატარდა
ქუთაისში ჯორჯ ბალანჩინის IV საერთაშორისო ქორეოგრაფიული ფესტივალი ჩატარდა. როგორც ქუთაისის მერიის მიერ გავრცელებულ ინფორმაციაშია ნათქვამი, ფესტივალი 11-12 ნოემბერს, ლადო მესხიშვილის სახელობის დრამატულ თეატრში მიმდინარეობდა.
მათივე ცნობით, ჯორჯ ბალანჩინის IV საერთაშორისო ქორეოგრაფიული ფესტივალი სამწლიანი პაუზის შემდეგ, ქუთაისის მუნიციპალიტეტის მერიის და უშუალოდ მერის, იოსებ ხახალეიშვილის ინიციატივით და მხარდაჭერით აღდგა.
ფესტივალის ჟიურის თავმჯდომარე ესტონეთისა და ლატვიის სახალხო არტისტი იანუს ვერსტუსი, ფესტივალის სახე კი ბალეტის ვარსკვლავი ირმა ნიორაძე იყვნენ. საერთაშორისო ფესტივალში მონაწილეობდა ევროპიდან მოწვეული, ათი სხვადასხვა ქვეყნის საბალეტო დასის 50 წამყვანი პროფესიონალური ბალეტის მოცეკვავე.
გავრცელებული ინფორმაციის მიხედვით, ფესტივალის დახურვის და გამარჯვებულთა დაჯილდოების ცერემონიალს ესწრებოდნენ ქუთაისის მერი იოსებ ხახალეიშვილი, ცნობილი ქორეოგრაფი მაკა მახარაძე, ადგილობრივი ხელისუფლებისა და კულტურის სფეროს წარმომადგენლები. ჯორჯ ბალანჩინის IV საერთაშორისო ქორეოგრაფიული ფესტივალის გრან -პრი იაპონელმა მოცეკვავემ ჰიროტო ნაკაბაიაშიმ მოიპოვა.
„ქუთაისში ჯორჯ ბალანჩინის IV საერთაშორისო ქორეოგრაფიული ფესტივალი ჩატარდა. მოხარული ვარ, რომ სამწლიანი პაუზის შემდეგ, მოვახერხეთ და ეს ფესტივალი აღვადგინეთ. ორი დღის განმავლობაში ქუთაისი იყო არამხოლოდ ჩვენი ქვეყნის, არამედ საერთაშორისო საბალეტო საზოგადოების ყურადღების ცენტრში. ვულოცავ ჯორჯ ბალანჩინის IV საერთაშორისო ქორეოგრაფიული ფესტივალის გრან -პრის მფლობელს იაპონელ ჰიროტო ნაკაბაიაშის, ყველა გამარჯვებულს, მონაწილეს, ორგანიზატორებს - ფესტივალის წარმატებულად ჩატარებას!“- განაცხადა იოსებ ხახალეიშვილმა.
საერთაშორისო ფესტივალის მიზანია ბალეტის სფეროს პოპულარიზება და ქუთაისში კულტურული ტურიზმის ხელშეწყობა.
სიახლეები
- "რუსეთი უარყოფს ცეცხლის შეწყვეტის მრავალრიცხოვან მოთხოვნას და ჯერ არ განუსაზღვრავს, როდის შეაჩერებს მკვლელობებს, ეს ართულებს ვითარებას" -ვოლოდიმირ ზელენსკი
- 17 აგვისტოს ასტროლოგიური პროგნოზი
- "10 წლის წინ „ქართულმა ოცნებამ“ დაპირება გასცა, რომ წყალტუბოში 5-ვარსკვლავიან სასტუმროს გააკეთებდნენ, თუმცა აქ კვლავაც „ქოცური“ ნანგრევებია" - გრიგოლ გეგელია
- რა დათმობაზე შეიძლება წავიდეს პუტინი - “თუ მოლაპარაკება უშედეგოდ დასრულდა, ეს ტრამპისთვის პოლიტიკურად დამღუპველი იქნება”
- "პუტინი ჭკვიანი კაცია, კარგად ვუგებთ ერთმანეთს, შეიძლება, შეხვედრაზე რაღაცას მივაღწიოთ" - დონალდ ტრამპი