"მოვუწოდებ მოქალაქეებს, სამოქალაქო სექტორის წარმოამადგენლებსა და არასამთავრობო ორგანიზაციებს ჩაერთონ ბიუჯეტის საჯარო განხილვის პროცესში" - ირაკლი შენგელია
ქუთაისის 2024 წლის ბიუჯეტის საჯარო განხილვა 7 დეკემბერს, აკაკი წერეთლის სახელმწიფო უნივერსიტეტის სამკითხველო დარბაზში გაიმართება, - ამის შესახებ ქუთაისის მუნიციპალიტეტის საკრებულოს თავმჯდომარე ირაკლი შენგელია აცხადებს.
საკრებულოს თავმჯდომარე მოქალაქეებს, სამოქალაქო სექტორის წარმოამადგენლებსა და არასამთავრობო ორგანიზაციებს მოუწოდებს ჩაერთონ ბიუჯეტის საჯარო განხილვის პროცესში და წარმოადგინონ ის შენიშვნები, რომელიც მათ მომდევნო წლის მთავარ ფინანსურ დოკუმენტთან დაკავშირებით გააჩნიათ.
"რადგან ბიუჯეტი არის ქალაქის ფინანსური გეგმა და მასში ასახულია ყველა ის პროექტი, რომელიც მოსახლეობის ინტერესზე არის მორგებული, მნიშვნელოვანად მიმაჩნია მოქალაქეების სრული ჩართულობა და ყველა იმ შენიშვნის გათვალისწინება, რომელიც მათთვის არის რელევანტური.
ადგილობრივი ხელისუფლებისთვის პრიორიტეტს წარმოადგენს, მოქალაქეების მაქსიმალური ჩართულობა ყველა იმ პროცესში, რომელიც თითოეული ჩვენგანის საერთო მიზანს ემსახურება. მიზანი კი არის თანამედროვეობასთან ესთეტიურად შერწყმული, მრავალსაუკუნოვანი ქალაქის განვითარება და გაძლიერება, - აცხადებს ირაკლი შენგელია.
სიახლეები
- გარემოს ეროვნული სააგენტო მოსახლეობას აფრთხილებს
- " ცესკო პასუხისმგებელია იმაზე, რომ საუკეთესოდ მოაწესრიგოს საარჩევნო პროცედურები" - ირაკლი კობახიძე
- "გზა აფხაზეთიდან ამერიკამდე არ იყო მარტივი" - ხათუნა "მათე" ჯალაღონია
- "ანრი ოხანაშვილი რომ „სახელმწიფო გადატრიალების საქმეს“ დაიწყებს, ამას წყალი არ გაუვა - საინტერესო ისაა, ამისთვის ლილუაშვილის შეცვლა რატომ გახდა საჭირო"
- როგორი ამინდია მოსალოდნელი საქართველოში