ქუთაისში ანა კალანდაძის ბიუსტი გაიხსნა
ქუთაისში, ახალგაზრდობის პარკში, ანა კალანდაძის 100 წლის იუბილესთან დაკავშირებით, პოეტის ბიუსტი გაიხსნა.
ამის შესახებ ინფორმაციას ქუთაისის მერიის პრესსამსახური ავრცელებს.
მათივე ცნობით, ძეგლის ავტორი გიორგი კიკვაძეა.
„ანა კალანდაძის ბიუსტი ქუთაისის მერიის მხარდაჭერით შეიქმნა. ძეგლის ავტორია მოქანდაკე გიორგი კიკვაძე.
ღონისძიებას ესწრებოდნენ: ქუთაისის მერის მოვალეობის შემსრულებელი დავით ერემეიშვილი, იმერეთში სახელმწიფო რწმუნებულის მოადგილე ლევან კიკნაველიძე, მაჟორიტარი დეპუტატი ზაზა ლომინაძე, ჩოხატაურის საკრებულოს თავმჯდომარე ირაკლი კუჭავა, ადგილობრივი ხელისუფლების და საზოგადოების წარმომადგენლები.
ქუთაისის მოზარდ-მაყურებელთა ახალგაზრდული თეატრის "მარჯანიშვილელების" დასმა წარმოადგინა ანა კალანდაძის ლექსებზე შექმნილი ლიტერატურული კომპოზიცია.
გამორჩეულმა ქართველმა პოეტმა ანა კალანდაძემ სკოლა ქუთაისში დაამთავრა და მისი პირველი ლექსებიც სწორედ ჩვენს ქალაქში დაიწერა.
ანა კალანდაძის ბიუსტის დადგმა იუნესკოს შემოქმედებითი ქსელის ქალაქში, მნიშვნელოვანი მოვლენაა ქუთაისის ლიტერატურულ ცხოვრებაში“, - ნათქვამია ინფორმაციაში.
სიახლეები
- "გახარიასთან შევთანხმდით, გავაკეთოთ სრული მობილიზაცია, რათა "ქართული ოცნება" ივანიშვილის ხელმძღვანელობით გავუშვათ ხელისუფლებიდან"
- "ჩემი მხრიდან ყველაფერი ნათელია, პოზიცია დაფიქსირებულია, არაფერი საიდუმლო არ არის, ხაზარაძემ ითხოვა დრო - კიდევ ერთი დღე"
- ქუთაისის სპორტის სასახლეში გელა დარსაძის სახელობის საერთაშორისო ტურნირი დასრულდა
- დავით ერემეიშვილმა საქალაქო სამსახურების ხელმძღვანელებს მერის ახალი მოადგილე წარუდგინა
- "14 მლრდ დოლარი არ არსებობს არსად, ასეთი დახმარება არავის მიუღია, ეს არის მორიგი ტყუილი, რომელსაც ოპოზიცია ავრცელებს" - პრემიერი