ბასარია: ენგურჰესის რემონტის გარეშე ტექნოგენური კატასტროფის რისკი არსებობს
აფხაზური ენერგოკომპანიის „ჩერნომორენერგო“-ს ხელმძღვანელი ასლან ბასარია აცხადებს, რომ სარემონტო სამუშაოების გამო ენგურჰესის გაჩერება აფხაზეთში ენერგოდეფიციტს შექმნის, თუმცა, რემონტის გარეშე ტექნოგენური კატასტროფის რისკი არსებობს.
სააგენტო „აფსნიპრეს“-ის ინფორმაციით, სოხუმში 25 დეკემბერს გამართულ პრესკონფერენციაზე ბასარიამ თქვა, რომ ენგურჰესის ორი ობიექტის, „საქართველოს ტერიტორიაზე“ მდებარე კაშხლის და აფხაზურ მხარეს მდებარე სამანქანო დარბაზის დამაკავშირებელი გვირაბის მასშტაბური რემონტის დროს, ბუნებრივად დადგება მთელი კომპლექსის გაჩერების საკითხი.
ბასარიას ინფორმაციით, თუ ენგურჰესი დაახლოებით სამთვენახევრით გაჩერდება, ამ პერიოდში აფხაზეთს დასჭირდება 700-800 მილიონი კილოვატსაათი ელექტროენერგია, რუსეთიდან მის შესაძენად კი ორი მილიარდი რუბლია საჭირო. ბასარია ფიქრობს, რომ „აფხაზეთის მთავრობას“ რუსეთის მხრიდან გაგების იმედი აქვს, რადგან ენგურჰესის გარემონტების გარეშე ტექნოგენური კატასტროფის რისკი მაღალია.
ენგურჰესის დირექტორთა საბჭოს თავმჯდომარემ, ლევან მებონიამ 2019 წლის ოქტომბერში განაცხადა, რომ 15-კილომეტრიან დერივაციულ გვირაბში სარემონტო სამუშაოები 2021 წლის თებერვლიდან დაიწყება და მაისის ბოლომდე დასრულდება. სპეციალისტები აცხადებენ, რომ რემონტის დაწყების კიდევ რამდენიმე წლით გადადება არ შეიძლება.
სიახლეები
- ,,ველი კიდევ 3 წელს, 16 წელი მექნება სასჯელი - სერიულ მკვლელებს და პედოფილებს უსჯიან ამდენს"- მიხეილ სააკაშვილი
- ,,სხვას რომ ხმა ამოეღო, ჩემი შვილი არ მოკვდებოდა" - გიგა ავალიანის დედა პროკურატურის განცხადებას ეხმაურება
- ,,ჩვენი ქვეყანა ღიაა იმისათვის, რომ სუფთა ფურცლიდან მოხდეს საქართველოს და ამერიკის შეერთებულ შტატებს შორის ურთიერთობის დაწყება"- ზვიად შალამბერიძე
- ,,ჩვენი და ამერიკის თანხვედრა ღირებულებით ნაწილში, მსოფლმხედველობით ნაწილში, პოლიტიკურ ჭრილს ვგულისხმობ, ერთი-ერთში ემთხვევა”
- ,,როგორც ჩანს, ქალბატონმა ფონ დერ ლაიენმა, როგორც იქნა, რუკას დახედა და გაათვითცნობიერა ის, რომ საქართველო მართლაც საკვანძო ადგილზე იმყოფება” – ლევან მაჭავარიანი
