სხვადასხვა სახის პირველადი მოხმარების საკვები პროდუქტი სპორტის სასახლეში მიიტანეს მაღაზიათა ქსელმა ,,ფემილიმ", „ ლიდერფუდმა“ , „ მაგნიტმა“ , შპს „ფარმა“, შპს „მზიურმა“, შპს ,,არგომ" , შპს "ანიმ" ( ნიკეას ბაზრობა), ,კოკა კოლამ", ,,დეილმა", ,,ელვამ", ,,მონოპოლი გრუპი და ორი გოგომ" , ასევე, ბაგა-ბაღების გაერთიანებამ.

ამ ეტაპზე მიმდინარეობს სასურსათო პაკეტების დაფასოება, რათა კვების პროდუქტები ყველას თანაბრად შეხვდეს. აღნიშნულ პროცესში ჩართულნი არიან ქუთაისის მერი გიორგი ჭიღვარია, მერის მოადგილე ნინო თვალთვაძე, საკრებულოს თავმჯდომარის მოვალეობის შემსრულებელი ირაკლი შენგელია, დეპუტატები და მერიის თანამშრომლებისგან შექმნილი მოხალისეთა გუნდის წევრები.

დაფასოებული სურსათის ამანათების დარიგებაც მალე დაიწყება. 600-მდე ხანდაზმულ, მარტოხელა ადამიანს ნობათს ქუთაისის მერიის და საკრებულოს თანამშრომლები სახლებში მიუტანენ.