"ჩამოერთვათ ხარისხი მოძალადე ეპისკოპოსს და ბერ-დიაკვანს" - რელიგიის ექსპერტთა ასოციაცია
რელიგიის ექსპერტთა ასოციაცია გუშინ, 6 მაისს რუის-ურბნისის ეპარქიაში მომხდარ დაპირისპირებას განცხადებით ეხმაურება.
ასოციაცია საპატრიარქოს მოუწოდებს, რომ მოძალადე სასულიერო პირებს საეკლესიო ხარისხი ჩამოერთვათ.
"როგორც ცნობილია გუშინ, 6 მაისს რუის-ურბნისის ეპარქიაში სურამისა და ხაშურის ეპისკოპოსმა სვიმეონმა (ცაკაშვილი) და მისმა თანმხლებმა ბერ-დიაკვანმა ილიამ რუის-ურბნისის მიტროპოლიტის, იობის(აქიაშვილი) თანდასწრებით ფიზიკური დაზიანება მიაყენეს თბილისის ყოვლადწმინდა სამების ტაძრის მღვდელმსახურს და თბილისის სასულიერო სემინარიის პედაგოგს დეკანოზ თეიმურაზ თათარაშვილს.
გავრცელებული ინფორმაციით დეკანოზმა თეიმურაზმა ტვინის შერყევა მიიღო.
მოვუწოდებთ საქართველოს საპატრიარქოს მოახდინოს შესაბამისი რეაგირება და სასულიერო ხარისხი ჩამოერთვათ მოძალადე ეპისკოპოსს და ბერ-დიაკვანს.
აღვნიშნავთ იმასაც, რომ მსგავსი შემთხვევა იშვიათობას არ წარმოადგენს და მიუთითებს საქართველოს კათოლიკოს-პატრიარქის არასწორ საკადრო პოლიტიკასა და ქართული ეკლესიის ღრმა კრიზისზე", - აღნიშნულია განცხადებაში.
სიახლეები
- “მინიმუმ არაეთიკურია, რომ ელჩი, რომელიც გამორჩეულად მხარს უჭერს ხაზარაძეს და მის პოლიტიკურ გუნდს, როგორღაც აღმოჩნდა, რომ მათივე სახლში ცხოვრობს” - ნინო წილოსანი
- “პოლიციელისთვის არა თუ ხელის დარტყმა, უხეში სიტყვის თქმაც კი დემოკრატიულ ქვეყნებში სერიოზული სასჯელის წინაპირობა ხდება” - გია ვოლსკი მზია ამაღლობელზე
- შეფასებისა და გამოცდების ეროვნული ცენტრი აბიტურიენტებისათვის ისტორიის, მათემატიკის, გეოგრაფიისა და ზოგადი უნარების გამოცდების პირველად შედეგებს აქვეყნებს
- მზია ამაღლობელის პროცესს ევროკავშირის, საფრანგეთის, შვედეთის, გერმანიის, ჩეხეთის, ნიდერლანდების, პოლონეთისა და ლიეტუვას საელჩოს წარმომადგენლები, ასევე აქციებზე დაკავებული პირების მშობლებიც ესწრებიან
- “27 მაისიდან დღემდე ღაზაში საკვების მიღების მცდელობისას სულ მცირე 1 373 პალესტინელი დაიღუპა” - გაეროს ადამიანის უფლებათა უმაღლესი კომისრის ოფისი
