"ლექსო თორაძის გარდაცვალებით, საქართველომ დიდი ქართველი დაკარგა" - სალომე ზურაბიშვილი
საქართველოს პრეზიდენტი სალომე ზურაბიშვილი პიანისტ ალექსანდრე (ლექსო) თორაძის გარდაცვალების გამო მწუხარებას გამოთქვამს. სალომე ზურაბიშვილის განცხადებით, საქართველომ დიდი ქართველი დაკარგა, მუსიკამ დიდი პიანისტი და მეგობრებმა დიდი მეგობარი.
„ლექსო გავიცანი ნიუ იორკში თითქმის 40 წლის წინ … ის „ახალი“ ემიგრანტი, მე „ძველი“ ემიგრაციის შვილი და მთელი საღამო ვისაუბრეთ ყველაფერზე და საქართველოზე. ის უნიჭიერესი მუსიკოსი, მე ახალგაზრდა დიპლომატი… ამის მერე ხშირად არ შევხვედრილვართ ერთმანეთს, თუმცა სადაც შემეძლო, კონცერტი არ გამომიტოვებია და სადაც ვხდებოდი, სულ იმ განცდით, რომ ძალიან დიდი ხნის ძალიან ახლობელ მეგობარს ვხდებოდი. საქართველომ დიდი ქართველი დაკარგა, მუსიკამ დიდი პიანისტი და მეგობრებმა დიდი მეგობარი“, – წერს სალომე ზურაბიშვილი „ფეისბუქის“ გვერდზე.
69 წლის ასაკში პიანისტი ალექსანდრე (ლექსო) თორაძე გარდაიცვალა. პიანისტი აშშ-ში ცხოვრობდა, სადაც საკუთარ სახლში გარდაიცვალა.
სიახლეები
- 25 ნოემბრის ასტროლოგიური პროგნოზი
- "ივანიშვილს დღეს ჩემოდნები ჩაულაგეს! - ოლიგარქია დამთავრდება საქართველოში" - მამუკა ხაზარაძე
- "მნიშვნელოვანია, ბევრი ვიყოთ, რომ დავიცვათ კონსტიტუცია - „ქართული ოცნება“ რუსული დუმის შეკრებას აპირებს" - გიგი უგულავა
- XI მოწვევის პარლამენტის პირველი სხდომა 25 ნოემბერს, 12:00 საათზე გაიხსნება
- "ღმერთმა დალოცოს ყველა, ვინც სამების ტაძრის მშენებლობაში მიიღო მონაწილეობა" - მეუფე შიო
