საქართველოს პრეზიდენტი სალომე ზურაბიშვილი ქუთაისში „ქარავან არტფორუმი 2022“ გახსნას დაესწრო
საქართველოს პრეზიდენტი, სალომე ზურაბიშვილი, იმერეთის მხარისა და ქალაქის ხელმძღვანელებთან ერთად, ქუთაისში სახვითი ხელოვნების გალერეაში, საერთაშორისო თანამედროვე ხელოვნების ფესტივალის „ქარავან არტფორუმი 2022“ გახსნას დაესწრო.
ღონისძიება გულისხმობს მთელ რიგ მხატვრულ, კულტურულ და პროფესიონალურ შეხვედრებს, აქტივობებს მსოფლიოს სხვადასხვა ქვეყნებიდან მოწვეული მხატვრების, ფოტოხელოვანების, ხელოვნებათმცოდნეების და კურატორების მონაწილეობით.
პროექტის ფარგლებში, გაიმართება სემინარები მსოფლიოს წამყვანი რესტავრატორების მიერ, რესტავრაციის თანამედროვე მეთოდოლოგიაზე.
ქარავან არტფორუმის კონცეფციას წარმოადგენს ურბანული პეიზაჟები, სტილისტიკის ცვალებადობა დროის დინამიკაში, დესტრუქციული ვიზუალების აღნიშვნა.
არტფორუმის ცენტრალური გამოფენა დავით კაკაბაძის სახელობის ქუთაისის სახვითი ხელოვნების გალერეაში გაიხსნა. შეიქმნა ერთობლივი საექსპოზიციო პროექტი და მნახველებს შესაძლებლობა აქვთ მუზეუმის მუდმივი ექსპონატების პროგრამის გვერდით ახალი, თანამედროვე ხელოვანთა მიერ შექმნილი ნამუშევრები იხილონ.
ქუთაისში აღნიშნული საერთაშორისო ფესტივალი უკვე მეორედ იმართება. პირველად იგი 2016 წელს ჩატარდა.
ფესტივალი „ქარავან არტფორუმი 2022“ პარტინიორები და მხარდამჭერები არიან: საქართველოს კულტურის სპორტისა და ახალგაზრდობის სამინისტრო, ქუთაისის მერია, ესტონეთის რესპუბლიკის კულტურის სამინისტრო, გალერეა გამრეკელი (საქართველო), გალერეა ოკაპი (ესტონეთი), სალონიკის თანამედროვე ხელოვნების მუზეუმი (საბერძნეთი), აპოლონია-ევროპული მხატვრული პროგრამები სტრასბურგიდან (საფრანგეთი).
დღესვე საქართველოს პრეზიდენტი მხარის რწმუნებულ ზვიად შალამბერიძესთან და ადგილობრივი ხელისუფლების წევრებთან ერთად, ქართულ-პოლონურ მუდმივმოქმედ არქეოლოგიურ კვლევით ცენტრს ესტუმრა.
სიახლეები
- ცნობილია ქუთაისის საერთაშორისო მოკლემეტრაჟიანი ფილმების ფესტივალის პროგრამა
- “4 ოქტომბერს თვითმმართველობის არჩევნები იქნება, სხვა რა ფანტაზიები ჰქონდა ლევან ხაბეიშვილს, რა ესიზმრება პაატა ბურჭულაძეს და რა მოლოდინები აქვთ სხვებს, ამას ვერ გეტყვით” – მაჭარაშვილი
- “საქართველოს დაანებოს ყველამ თავი - ზელენსკიმ მიხედოს თავის ქვეყანას, ისაუბროს იმაზე, თუ რა დაკარგა, რა მოუწყო საკუთარ ხალხს, გავა დრო და მოუწევს პასუხის გაცემა” - კახა კალაძე
- “პოლიტიკაა, მივაღწიოთ იმას, რომ საქართველომ, რომელიც უსწრებს ევროკავშირის 7 ქვეყანას კორუფციის სიმცირით, გაუსწროს ევროკავშირის 27 ქვეყანას” - შალვა პაპუაშვილი
- როგორ და რატომ ცდილობს კრემლი მოლდოვის არჩევნებში ჩარევას
