რესპუბლიკური პარტიის წევრმა ლიზ ჩეინიმ განაცხადა, რომ აშშ-ის პრეზიდენტმა 2021 წლის იანვარში კაპიტოლიუმზე თავდასხმა გააღვივა. კომიტეტის დემოკრატმა წევრმა ბენი ტომფსონმა თავის მხრივ თქვა, რომ კაპიტოლიუმის შტურმმა აშშ-ის დემოკრატიას საფრთხე შეუქმნა.

სხდომის ფარგლებში აჩვენეს ინტერვიუები დონალდ ტრამპის კაბინეტის ყოფილ წევრებთან. მათ შორის იყო აშშ-ის ყოფილი გენერალური პროკურორი უილიამ ბარი, რომელმაც განაცხადა, რომ ტრამპის ბრალდება, თითქოსდა 2020 წლის არჩევნები გაყალბდა, საფუძველს მოკლებული იყო. საჯარო მოსმენაზე ასევე აჩვენეს ტრამპის ქალიშვილ ივანკას მიერ მიცემული ჩვენების ჩანაწერიც, სადაც ის აშშ-ის გენერალური პროკურორის შეფასებას დაეთანხმა.

ამავე საქმეზე კონგრესში ამ თვეში სულ ექვსი სხდომის გამართვაა დაგეგმილი.

დონალდ ტრამპმა, რომელიც 2024 წელს საპრეზიდენტო არჩევნებში მონაწილეობას არ გამორიცხავს, კომიტეტის წევრებს „პოლიტიკური ბანდიტები“ უწოდა.

2021 წელს, კაპიტოლიუმის შენობაში შეჭრის დღეს ექვსი ადამიანი დაიღუპა. 100-ზე მეტი პოლიციელი დაშავდა.