თუმცა, სულ ახლახანს ქუთაისში, ბუხაიძის #20 ახალი საცხობი გაიხსნა.

უგემრიელესი სამარხვო ტკბილეული, კექსები სხვადასხვა შიგთავსით, ქართული ტრადიციული ცომეულის მრავალფეროვანი არჩევანი - ხაჭაპური, ლობიანი და ასევე, იტალიური პიცა, - თუ დახვეწილ გემოებს ეძებთ, "ლაზიერი" ის ადგილია, რომელსაც აუცილებლად უნდა ესტუმროთ.

"ლაზიერის" შექმნის იდეასა და სამომავლო გეგმებზე FirstNews.ge-ს კომპანიის დამფუძნებელი თამარ კვაშილავა ესაუბრა.

- ვთვლი, რომ გურმანი ვარ და ასევე, თავადაც ვამზადებ გემრიელობებს, რის გამოც ხშირად ვიღებ შექებას. იდეის ერთ-ერთი ნაწილი დღესდღეობით ჩემი ბიზნესია. პანდემიის პერიოდმა დააჩქარა ჩემი იდეების განხორციელების წამოწყება, თუმცა არაერთხელ  შევიტანე ცვლილება ბიზნესის განვითარების პროცესში. ვცდილობდი პანდემიის რეგულაციებს ნაბიჯ-ნაბიჯ მივყოლოდი, იყო ბევრი გამოწვევა, სირთულეები, მაგრამ შევძელი დაწყებული საქმიანობა უფრო განმევრცო.

არაჩვეულებრივი გუნდი მყავს, რომელიც  ჩემი იდეების განხორციელებას ამართლებს. მათ დიდ პატივს ვცემ  და მსურს ჩემს ტემპს გაუძლონ.

- რატომ აირჩიეთ სახელი "ლაზიერი"?

- ვფიქრობ, ეს არის ძალა, სტატუსი, გამბედაობა, პასუხისმგებლობა. ეს არის ის, რაც ბიზნესს სჭირდება. ვფიქრობ, ძლიერი ფიგურა წარმატებულია ბიზნესშიც,  თამაშშიც და ცხოვრებაშიც.

- როგორი მომხმარებელი ჰყავს ლაზიერს?

- არ დაგიმალავთ და მომწონს ლაზიერის მომხმარებლები. ისინი გემოვნებიანი არიან. ვცდილობ მათთან კომუნიკაცია მუდმივად მქონდეს. ხშირად ვუსვამ კითხვებს, მაინტერესებს მათი კრიტიკა, მოთხოვნა და ა.შ. მომწონს, რომ მოდიან ისე უბრალოდ იმისთვის, რომ მადლობა მითხრან შეძენილი პროდუქციის გამო. სწორედ, ეს დიდი სიყვარული მეხმარება, რომ შევქმნა ნებისმიერი გემრიელი პროდუქცია.

მიყვარს ჩემი საქმიანობა. სიყვარულით ვქმნი ყველაფერს. ყოველი სადღესასწაულო შეკვეთა აუცილებლად თავად უნდა შევქმნა და აუცილებლად განსხვავებული უნდა იყოს ერთმანეთისგან. ვგრძნობ, რომ ეს იცის "ლაზიერის" მომხმარებელმაც.

- რა სამომავლო გეგმები გაქვთ?

- უახლოეს მომავალში ჩვენს ფილიალს დაემატება კიდევ, რამდენიმე ახალი ფილიალი; ასევე, ვამატებთ ახალ ხაზს, თუმცა, ამას სიურპრიზად დავტოვებ. რა თქმა უნდა, ექსპორტიც გვექნება.

შეძლებისდაგვარად ქველმოქმედებას ვეწევით ხოლმე, ვაპირებთ გავაგრძელოთ ეს ტრადიცია და უფრო მასშტაბური გავხადოთ.

- წარმატებას გისურვებთ!

- დიდი მადლობა!