დიდ დიღომში, კორპუსში აფეთქების შედეგად 3 ადამიანი დაშავდა, მათ შორის 2 წლამდე ბავშვია
დიდ დიღომში, ერთ-ერთ კორპუსში აფეთქების შედეგად 3 ადამიანი დაშავდა. მათგან ორი დედა-შვილია, დაშავებულია 2 წლამდე ბავშვი, მესამე კი მეზობელი. აფეთქება დღეს, პირველი სექტემბრის დილას მოხდა.
დაშავებული დედა-შვილი ხეჩინაშვილისა და იაშვილის ბავშვთა კლინიკაში გადაიყვანეს. ხეჩინაშვილის კლინიკის ექიმის განცხადებით, ქალის ტრავმა სიცოცხლისთვის საშიშ დაზიანებათა ჯგუფს მიეკუთვნება:
"რეანიმაციის განყოფილებაში შემოყვანილია ახალგაზრდა ქალბატონი, კრიტიკული დამწვრობით, სასუნთქი გზების თერმო-ინგალაციური დამწვრობით, გამოხატული დამწვრობითი შოკით", - განაცხადა ექიმმა ქეთევან თარგამაძემ ჟურნალისტებთან საუბრისას.
სასწრაფო სამედიცინო დახმარების პრესსამსახურში განაცხადეს, რომ მცირეწლოვანი განსაკუთრებით მძიმე მდგომარეობაში შეიყვანეს იაშვილის კლინიკაში. სამედიცინო დაწესებულებაში ჯერჯერობით კომენტარი არ გაუკეთებიათ.
სიახლეები
- "წამართვეს სასამართლოში ელემენტარული საპროცესო უფლებებიც კი - შემიზღუდეს არათუ სამართლიანი სასამართლოს უფლება, არამედ ფეხქვეშ გათელეს ადამიანის ფუნდამენტური უფლებები"
- ანექსიის პოლიტიკის გაგრძელება - რუსებმა აფხაზეთსა და ცხინვალის რეგიონში მცხოვრებლებს მოქალაქეობის მიღება გაუმარტივეს
- “ჩვენ არ ვართ რევოლუციონერები”, - გახარია თვითმართველობის არჩევნებში მონაწილეობას ადასტურებს, ვინ იქნება შემდეგი
- "საქართველოში 2024 წელს დაფიქსირდა მაღალი ეკონომიკური ზრდა, 9.4 პროცენტი, 2025-2026 წლებში მოსალოდნელია ზრდის შენელება" - ევროკომისიის ანგარიში
- უცხოური ვალუტის ოფიციალური კურსი 20 მაისისთვის
