დააჯარიმეს ბათუმის კაფეები, რომლებსაც მენიუ მხოლოდ რუსულ ენაზე ჰქონდათ
კონკურენციის სააგენტომ დააჯარიმა ბათუმში მდებარე ექვსი კვების ობიექტი - მიზეზი არის ის, რომ, გაფრთხილების მიუხედავად, ისინი სტუმრებს ქართულ ენაზე არ სთავაზობდნენ მომსახურებას. სერვისის მიღება ძირითადად რუსულ ენაზე იყო შესაძლებელი.
ჯარიმის გადახდა დაეკისრათ:
- ი/მ მარია კალუსტიანს - 600 ლარი;
- შპს „დარიას“ - 1 088 ლარი;
- ი/მ ვლადისლავ კირიაკოვს - 600 ლარი;
- ი/მ ალეკსანდრ ვასილევს - 600 ლარი;
- შპს „ინვესტ ინ ჯორჯიას“ (კაფე „მამა აზია“) - 1 789 ლარი;
- შპს „ჰარვიდენტს“ - 600 ლარი.
ეს კომპანიები კონკურენციის სააგენტომ 2023 წლის ნოემბერში გააფრთხილა, თუმცა მათ დარღვევა არ გამოასწორეს.
საქართველოში მოქმედი კანონმდებლობით, ქვეყნის ტერიტორიაზე ნებისმიერი სერვისის მიღება სახელმწიფო ენაზე უნდა იყოს შესაძლებელი. ჯარიმის დაკისრების მიუხედავად, ყველა ეს კვების ობიექტი ვალდებულია, კლიენტებს სახელმწიფო ენაზე მკაფიოდ და გასაგებად შესთავაზოს მომსახურება.
სიახლეები
- "თუ არ ხევ მანდატს და არ გადიხარ, ე.ი. პარლამენტის ლეგიტიმურობას აღიარებ?" - ვახტანგ ძაბირაძე
- "ხალხო, შევწყვიტოთ „ბალერინკობის“ თამაში, „ტროტუარზე არ ავიდეთ“, „სკამზე არ ავიდეთ“, მუდმივად ვიმეორებთ „კანონის ფარგლებში“, რომელი კანონის ფარგლებში, რომელიც აღარ არსებობს?! - საჭიროა სიმტკიცე, მიწოლა! " - მიხეილ სააკაშვილი
- მსხვერპლი მოჰყვა უკრაინის ქალაქ სუმიზე რუსული დრონებით შეტევას
- "მათ არაფერი აკავშირებთ ამ ქვეყანასთან და არაფერი რომ არ აკავშირებთ, იმიტომაც იღებენ პასუხს ქუჩაში მათივე მხარდამჭერებისგან"- შალვა პაპუაშვილი ოპოზიციაზე
- "დღევანდელი ოპოზიცია, ის ოთხეული, რომელმაც ბარიერი გადალახა არა ამომრჩევლის, რამედ უცხოელი პატრონების ნებას წარმოადგენს" - შალვა პაპუაშვილი
