არავინ არ უნდა შევუშვა, არც სპეციალისტები, არც მუშები - ჭავჭავაძეზე უბედური შემთხვევის ადგილი დალუქულია
ვაკეში ყოფილი ლეჩკომბინატის ტერიტორიაზე, სადაც ახალი კლინიკის სამშენებლო სამუშაოები მიმდინარეობს, უბედური შემთხვევის ადგილი დალუქულია.
წინასწარი ინფორმაციით, უსაფრთხოების გარვეული ნორმები მშენებარე ტერიტორიაზე დარღვეული იყო. ჭავჭავაძის გამზირზე მიმდინარე მშენებლობაზე მომხდარ შემთხვევას გუშინ ორი ადამიანის სიცოცხლე ემსხვერპლა.
ამ დროისთვის, უცნობია, როდის განახლდება სამშენებლო სამუშაოები. როგორც სამშენებლო კომპანიის დაცვის თანამშრომელი „კურიერთან“ საურისას აცხადებს, მას არ აქვს უფლება, რომ აღნიშნულ ტერიტორიაზე მუშები ან თუნდაც სპეციალისტები შეუშვას.
„არავინ არ უნდა შევუშვა, არც სპეციალისტები, არც მუშები,“ - ამბობს დაცვის სამსახურის წარმომადგენელი.
ჯანდაცვის სამინისტროში კი აცხადებენ, რომ ტრაგედიის ადგილზე სპეციალისტები, დაახლოებით, ერთ საათში მივლენ და დაიწყებენ მოკვლევას, თუ რამდენად სწორად ხორციელდებოდა სამშენებლო სამუშაოები.
უმძიმესი ტრაგედიის შედეგად, ჭავჭავაძის გამზირზე დაღუპულ მეორე მუშას მაშველებმა 8-საათიანი ძებნის შემდეგ მიაგნეს. 41 წლის ედუარდ დავრიშევის ცხედარი ექსპერტიზაზე უკვე გადაასვენეს. რამდენიმე საათით ადრე ამავე ადგილას მიწიდან კიდევ ერთი დაღუპული, 25 წლის დავით აბესაძე ამოიყვანეს.
უბედური შემთხვევა გუშინ, დღის ბოლოს ყოფილი ლეჩკომბინატის ტერიტორიაზე მოხდა, სადაც ახალი კლინიკის სამშენებლო სამუშაოები მიმდინარეობს.
მიწა შენობის საძირკველის გამაგრების დროს ჩამოიშალა და ორი მუშა ჩაიყოლა. მერიაში განმარტავენ, რომ კომპანია "ტრანსმშენი," რომელიც ადგილზე სამუშაოებს აწარმოებს, ერთი კვირის წინ შემოწმდა და ყველაფერი წესრიგში იყო.
სიახლეები
- ქუთაისში სოხუმის დაცემის 31 წლისთავთან დაკავშირებით, აფხაზეთის ომში დაღუპულთა ხსოვნას პატივი მიაგეს
- ,,ენგურის ხიდთან მოვედით, რათა ძალიან ხმამაღლა ვთქვათ: რუსეთს, აგრესორს საქართველოს მოქალაქე ბოდიშს არ მოუხდის"- მამაუკა ხაზარაძე
- ,, მინდა ივანიშვილს ვკითხო: სად არის დანგრეული, შენ მიერ განადგურებული „ლაგუნა ვერეს“ პლაკატი? სად არის გავერანებული ანაკლია, რომელიც დაბომბილს ჰგავს?"- მიხეილ სააკაშვილი
- „საზოგადოებამ კარგად უნდა გაიაზროს, რა არის ომის ფასი“ - ირაკლი კობახიძე
- ქარიშხალ „ჰელენს“ სამი ადამიანი ემსხვერპლა აშშ-ში