ივანიშვილის არასწორი ინტერპრეტაცია ბედნიერების ინდექსზე - საქართველო 119 პოზიციაზეა, საფრანგეთი კი 24-ე ადგილს იკავებს
ბედნიერების მსოფლიო ინდექსი - გაეროს მიერ მომზადებულ ყოველწლიურ ანგარიშში, რომელიც 20 მარტს გამოქვეყნდა, საქართველო 119-ე პოზიციაზეა.
პირველი ადგილი კვლავ ფინეთს უკავია, მეორე პოზიციაზეა დანია, მესამეზე კი ნორვეგია.
რაც შეეხება საფრანგეთს, რომლის შესახებაც „ქართული ოცნების“ თავმჯდომარემ, ბიძინა ივანიშვილმა განაცხადა, რომ სიაში საქართველოს შემდეგაა, რეალურად ანგარიშში 24-ე ადგილს იკავებს.
სიაში სულ 156 ქვეყანაა შესული და ბედნიერების ინდექსით ბოლო ადგილზე სამხრეთ სუდანია. 136-გვერდიან დოკუმენტს გაერო-ს სპეციალური განყოფილება ამზადებს, რომელიც მდგრადი განვითარების გადაჭრის გზებზე მუშაობს.
ავტორები კი ითვალისწინებენ რამდენიმე ფაქტორს, მათ შორის, მთლიან შიდა პროდუქტს ერთ სულ მოსახლეზე, სიცოცხლის ხანგრძლივობას, სოციალურ მხარდაჭერას, თავისუფლებას და კორუფციის გავლენას სასიცოცხლოდ მნიშვნელოვანი გადაწყვეტილებების მიღების დროს.
სიახლეები
- ზოგადი განათლების საფეხურებში ცვლილება ხორციელდება, რომლის მიღების შედეგადაც, სავალდებულო საბაზო განათლება 9 კლასის ნაცვლად, 10 კლასით განისაზღვრება
- ქათამი თაფლითა და ფორთოხლით
- მთავრობის დადგენილებით, ოჯახის სიწმინდისა და მშობლების პატივისცემის დღესთან დაკავშირებით, 17 მაისი უქმე დღედ გამოცხადდა
- შარლ მიშელი სალომე ზურაბიშვილთან და ირაკლი კობახიძესთან სატელეფონო საუბრის შესახებ ინფორმაციას ავრცელებს
- " ჩვენ არ ვართ კოლონია, დამოუკიდებელი სუვერენული სახელმწიფო ვართ - ევროპაში თავაწეული დავდივარ, რატომ უნდა წამომარტყას ვიღაცამ?" - კახა კალაძე