მათი მიზანი კი იყო ის, რომ ეს ფაქტი არ დაეშვათ. განსაკუთრებით, 2016 წლის საპარლამენტო არჩევნების წინ, რომელზე მთავარი დამკვირვებელი ტრადიციულად ეუთო უნდა ყოფილიყო.

„ქართული ოცნების“ წევრებისა და მათი ლობისტების მიმოწერაში ნათქვამია, რომ თუ  გიგი წერეთელი გაიმარჯვებს და ის ეუთოს საპარლამენტო ასამბლეის პრეზიდენტი გახდება მისი პოზიცია ხელისუფლების წინააღმდეგ იქნება გამოყენებული.

მიმოწერაში ნათქვამია, რომ ამ შემთხვევაში ოპოზიცია შესაძლოა თავს დასხმოდა „ქართულ ოცნებას“, ბიძინა ივანიშვილს და კითხვის ნიშნის ქვეშ დაეყენებინა არჩევნების ლეგიტიმურობა.

ლობისტები ასევე ხაზს უსვამენ, რომ თუ გიგი წერეთელი გახდება პრეზიდენტი ის გააკონტროლებს არჩევნებზე სადამკვირვებლო პროცესს.

მეილში ფიგურირებს ამჟამინდელი ინფრასტრუქტურის მინისტრი, ვიცე-პრემიერი მაია ცქიტიშვილი და ოლივერ სპენსერი, რომელიც იყო ეუთოს ყოფილი გენერალური მდივანი, სწორედ ისინი არიან ამ შინაარსის წერილების ადრესატები.

2016 წელს, გიგი წერეთელი მართლაც არ აირჩიეს ეუთოს საპარლამენტო ასამბლეის პრეზიდენტად. წერეთლის არჩევას, რომელიც მაშინ „ნაციონალური მოძრაობის“ წევრი იყო, ყველაზე მეტად „ქართული ოცნება“ და რუსული დელეგაცია ეწინააღმდეგებოდა.  თუმცა გიგი წერეთელი საბოლოოდ ეუთოს საპარლამენტო ასამბლეის პრეზიდენტი მაინც გახდა. როგორც თავად ამბობს, მის წინააღმდეგ წარმოებულმა შავმა კამპანიამ მოკლევადიანი შედეგი მაინც გამოიღო.

http://rustavi2.ge