ორშაბათიდან დამატებით 9 კლინიკა მიიღებს კორონავირუსით ინფიცირებულ პაციენტებს
დღეისათვის 20 კლინიკაა საქართველოს მასშტაბით მობილიზებული იმისთვის, რომ მიიღოს კორონავირუსით ინფიცირებული პაციენტი, - განაცხადა ჯანდაცვის მინისტრმა ეკატერინე ტიკარაძემ უწყებათაშორისი საკოორდინაციო საბჭოს სხდომის დასრულების შემდეგ გამართულ ბრიფინგზე.
„ორშაბათიდან ჩაერთვება დამატებით კიდევ 9 კლინიკა და პაციენტების ზრდასთან ერთად, შესაძლებლობა არის, რომ ჩაერთოს კიდევ 6 კლინიკა. რომელიც იქნება სრულიად მობილიზებული კოვიდთან ბრძოლაში“, - განაცხადა ეკატერინე ტიკარაძემ.
მისი სიტყვებით, რეგულირების სააგენტოს თანამშრომლები მუდმივ მონიტორინგს უწევენ ამ ჰოსპიტლებს და, შესაბამისად, ხელისუფლება მუდმივად ფლობს ინფორმაციას საავადმყოფოებში არსებული საჭიროებების შესახებ.
ჯანდაცვის მინისტრის განცხადებით, ეტაპობრივად რეგიონებში 31 საავადმყოფო მიიღებს კორონავირუსით ინფიცირებულ და ცხელებიან პაციენტებს, აქვე მოხდება მათი გადანაწილება, საავადმყოფოების, თვითიზოლაციის, კარანტინის თუ შინ მკურნალობის მიმართულებით.
3 აპრილის 14:30 საათის მდგომარეობით, საქართველოში დადასტურებულია კორონავირუსით დაავადების 148 შემთხვევა. მათგან 27 გამოჯანმრთელებულია.
სიახლეები
- ქუთაისში სოხუმის დაცემის 31 წლისთავთან დაკავშირებით, აფხაზეთის ომში დაღუპულთა ხსოვნას პატივი მიაგეს
- ,,ენგურის ხიდთან მოვედით, რათა ძალიან ხმამაღლა ვთქვათ: რუსეთს, აგრესორს საქართველოს მოქალაქე ბოდიშს არ მოუხდის"- მამაუკა ხაზარაძე
- ,, მინდა ივანიშვილს ვკითხო: სად არის დანგრეული, შენ მიერ განადგურებული „ლაგუნა ვერეს“ პლაკატი? სად არის გავერანებული ანაკლია, რომელიც დაბომბილს ჰგავს?"- მიხეილ სააკაშვილი
- „საზოგადოებამ კარგად უნდა გაიაზროს, რა არის ომის ფასი“ - ირაკლი კობახიძე
- ქარიშხალ „ჰელენს“ სამი ადამიანი ემსხვერპლა აშშ-ში