28 აპრილს, დანიიდან და სკანდინავიის სხვა ქვეყნებიდან საქართველოს მოქალაქეები სამშობლოში დაბრუნდებიან
მიმდინარე წლის 28 აპრილს, დანიის სამეფოდან კოპენჰაგენი-თბილისის მიმართულებით რეისს შეასრულებს ავიაკომპანია “Georgian Airways”, რომელიც დანიაში და სკანდინავიის სხვა ქვეყნებში მყოფ საქართველოს მოქალაქეებს სამშობლოში დააბრუნებს.
აღნიშნული გადაწყვეტილება საქართველოს ეკონომიკისა და მდგრადი განვითარების სამინისტროს და საზღვაო ტრანსპორტის სააგენტოს ერთობლივი ძალისხმევით იქნა მიღებული.
როგორც ცნობილია, საზღვაო ტრანსპორტის სააგენტოს ჩართულობით და საკრუინგო კომპანია "Elvictor Crew Management Service"-ის ორგანიზებით, ქართველი მეზღვაურები "Georgian Airways”-ის სპეციალური რეისით საქართველოდან კოპენჰაგენში გაემგზავრებიან.
ამავე რეისით, საქართველოს მთავრობისა და საკრუინგო კომპანიის "Elvictor Crew Management Service" შეთანხმების საფუძველზე, დანიაში და სკანდინავის სხვა ქვეყნებში მყოფი საქართველოს მოქალაქეები სამშობლოში დაბრუნდებიან.
ბილეთების რელიზაცია დაიწყება რეისამდე ორი დღით ადრე,”Georgian Airways”-ის ვებ-გვერდზე.
საკოორდინაციო საბჭოსთან განსაზღვრული ავიარეისების ფარგლებში, უკვე შესრულდა რეისები ევროპის სხვადასხვა ქალაქებიდან, მათ შორის, ვარშავადან, ბერლინიდან, ვენიდან, ლონდონიდან, ათენიდან, აშშ-დან, ლარნაკადან, ამსტერდამიდან, პეკინიდან, რომიდან, პარიზიდან, თელ-ავივიდან, ბარსელონადან და ა.შ. რომლებითაც სამშობლოში დაბრუნდნენ როგორც ამ ქალაქებში მყოფი თანამემამულეები, ასევე მსოფლიოს სხვადასხვა ქვეყნებში მყოფი ქართველები.
სიახლეები
- ნიგერიაში ლომმა ზოოპარკის თანამშრომელი მოკლა
- 2024 წლის აგვისტოში, მშპ-ს ზრდამ 12.0 პროცენტი შეადგინა, ხოლო მიმდინარე წლის პირველი რვა თვის საშუალო მაჩვენებელი 10.0 პროცენტით განისაზღვრა -" საქსტატი"
- " მოსამართლემ მიიღო გადაწყვეტილება, რომ ჩვენს ემიგრანტებს ხმის უფლება წაართვას - კიდევ ერთხელ დადასტურდა, რომ ყველა შტო ჩართულია ბიძინა ივანიშვილის დავალების შესრულებაში " - თამარ კორძაია
- " მინდა საქართველოში გავხსნა პატარ-პატარა დარბაზები - იმ თანხასაც, რასაც მთავრობა მაძლევს, სრულად გამოვიყენებ ქველმოქმედებაში " - მერაბ დვალიშვილი
- " უკრაინა მოიგებს ამ ომს " - ჯო ბაიდენი