"მოგვიწევს კორონავირუსთან თანაცხოვრება" - კახა კალაძე
მოგვიწევს კორონავირუსთან თანაცხოვრება, ამიტომ ძალიან დიდი სიფრთხილეა საჭირო, - ამის შესახებ თბილისის მერმა, კახა კალაძემ განაცხადა.
კალაძის თქმით, ბოლო დღეების სტატისტიკური მონაცემები კარგია, თუმცა, ეს გათამამების საფუძველს არ იძლევა და სიფრთხილე კვლავ საჭიროა.
„საგანგებო მდგომარების გაგრძელება-არგაგრძელება დამოკიდებულია არსებულ ეპიდემიოლოგიურ სიტუაციაზე. ბოლო დღეების სტატისტიკას და მონაცემებს თუ გადავხედავთ, კარგი მდგომარეობაა, თუმცა, არ უნდა გავთამამდეთ. მაქსიმალურად საჭირო იქნება, მომავალშიც გავითვალისწინოთ ეს უსაფრთხოება, რასაც ჯანდაცვის სპპეციალისტები გასცემენ - პირბადეები, სოციალური დისტანცია. ანუ ყველა ეს მოთხოვნა ჩვენს ცხოვრებაში შემოდის და მოგვიწევს კორონავირუსთან თანაცხოვრება, ასე ვთქვათ. ამიტომ ძალიან დიდი სიფრთხილეა საჭირო. მაქსიმალურად უნდა დავიცვათ ის მოთხოვნები, რაც ადამიანების ჯანმრთელობის უსაფრთხოებისკენ არის მიმართული და ეს გათვალისწინებული იყოს ჩვენს ყოველდღიურობაში“, - განაცხადა თბილისის მერმა.
კახა კალაძის თქმით, ინფიცირების შემთხვევების სტატისტიკის თვალსაზრისით უკეთესობაა, რაც ხელისუფლების, ჯანდაცვის სპეციალისტების და მოსახლეობის დამსახურებაა. კალაძე ამბობს, რომ ვირუსთან ბრძოლის კუთხით, საქართველო მსოფლიოში ერთ-ერთი მოწინავე ქვეყანაა.
"მონაცემებით და სტატისტიკით, რა თქმა უნდა, გვაქვს უკეთესობა. ეს დამსახურებაა ხელისუფლების, ექიმების და ყველა იმ ადამიანის, ვინც ფრონტის წინა ხაზზე იყო. რა თქმა უნდა, დიდი დამსახურებაა მოსახლეობის, რომელიც ემორჩილებოდა და ზედმიწევნით ასრულებდა ყველა იმ მთხოვნას, რომელიც ჩვენი მხრიდან იყო გაჟღერებული. მესმის, რომ ამის შესრულება რთულია და ადამიანებისთვის მარტივი არ არის, მაგრამ მნიშვნელოვანი იყო ამ ნაბიჯების გადადგმა. იმიტომ ვართ მსოფლიოში ერთ-ერთი მოწინავე ქვეყანა კორონავირუსთან ბრძოლაში", - განაცხადა კალაძემ.
სიახლეები
- ბისტროგანოვი
- ნიგერიაში ლომმა ზოოპარკის თანამშრომელი მოკლა
- 2024 წლის აგვისტოში, მშპ-ს ზრდამ 12.0 პროცენტი შეადგინა, ხოლო მიმდინარე წლის პირველი რვა თვის საშუალო მაჩვენებელი 10.0 პროცენტით განისაზღვრა -" საქსტატი"
- " მოსამართლემ მიიღო გადაწყვეტილება, რომ ჩვენს ემიგრანტებს ხმის უფლება წაართვას - კიდევ ერთხელ დადასტურდა, რომ ყველა შტო ჩართულია ბიძინა ივანიშვილის დავალების შესრულებაში " - თამარ კორძაია
- " მინდა საქართველოში გავხსნა პატარ-პატარა დარბაზები - იმ თანხასაც, რასაც მთავრობა მაძლევს, სრულად გამოვიყენებ ქველმოქმედებაში " - მერაბ დვალიშვილი