მთავრობის მეთაურის განცხადებით, 3 ადამიანზე მეტის შეკრების შეზღუდვა ქვეყანაში 18 მაისიდან მოიხსნება.

თუმცა, როგორც გიორგი გახარიამ განმარტა, შეზღუდვა რჩება ავტომობილით სამ პირზე მეტის გადაადგილების დროს.

,,მოიხსნას შეზღუდვა 3 ადამიანზე შეკრების თვალსაზრისით, როგორც დახურულ, ისე ღია სივრცეებში, თუმცა ეს არ ნიშნავს, რომ მოიხსნება შეზღუდვა 3 ადამიანის გადაადგილებაზე ავტოსატრანსპორტო საშუალებით. ამ შეზღუდვას, მიუხედავად ყველაფრისა, აქვს ძალზე დმნიშვნელოვანი ეპიდემიოლოგიური აზრი, რაზეც ჩვენ ექიმები გვარწმუნებენ და ჩვენ მათი გვჯერა. მოგეხსენებათ, რომ პროფესიონალების რეკომენდაციები ჩვენთვის ამ ნაწილში, განსაკუთრებით ეპიდემიასთან ბრძოლაში კრიტიკულად მნიშვნელოვანია,“- აღნიშნა გახარიამ.