კვლევის ფარგლებში გაანალიზებული იქნა 2020 წლის 26 თებერვლიდან  საქართველოში აღრიცხული COVID-19 დაინფიცირების პირველი 500 შემთხვევის ეპიდემიოლოგიური მახასიათებლები, რომელთა დადასტურება მოხდა PCR მეთოდით.

2020 წლის 11 მაისის მდგომარეობით ჩატარდა 32 283 ტესტი. ტესტირების ე.წ. დადებითი შედეგის სიხშირე (positive rate) 2%-ს შეადგენს.

COVID-19 ახალი შემთხვევების მაჩვენებელი 100 000 მოსახლეზე ექსპოზიციის ადგილის მიხედვით, ყველაზე მაღალია ქვემო ქართლის რეგიონში, ყველაზე დაბალი - შიდა ქართლსა და იმერეთში. თბილისის, აჭარის და რაჭა-ლეჩხუმის რეგიონები შუალედურ პოზიციას იკავებენ. საქართველოს დანარჩენ რეგიონებში დაავადების შემთხვევები არ დაფიქსირდა. იმპორტირებული შემთხვევების რაოდენობა იყო 95.