საქართველოს საელჩო აშშ-ში მყოფი მოქალაქეებისთვის განცხადებას ავრცელებს
ამერიკის შეერთებულ შტატებში საქართველოს საელჩო აშშ-ში მყოფი საქართველოს მოქალაქეებისთვის 2020 წლის საპარლამენტო არჩევნებში მონაწილეობასთან დაკავშირებით ინფორმაციას ავრცელებს.
საელჩოში აღნიშნავენ, რომ საქართველოს საგარეო საქმეთა სამინისტროს საკონსულო დეპარტამენტის მიერ შეიქმნა საზღვარგარეთ საარჩევნო უბნების ელექტრონული რეესტრი.
„ელექტრონული რეესტრის მეშვეობით საზღვარგარეთ მყოფ საქართველოს მოქალაქეებს საშუალება აქვთ, მოიძიონ საზღვარგარეთ გახსნილი საარჩევნო უბანი, სადაც შეძლებენ 2020 წლის 31 ოქტომბრის საპარლამენტო არჩევნებში ხმის მიცემას.
საზღვარგარეთ საარჩევნო უბნების ელექტრონული რეესტრი განთავსებულია შემდეგ ელექტრონულ მისამართზე: https://www.geoconsul.gov.ge/ka/check/electionsPlace
ასევე, საზღვარგარეთ მყოფ საქართველოს მოქალაქეებს შეუძლიათ, გაეცნონ ინფორმაციას 2020 წლის 31 ოქტომბერს დანიშნულ საერთო საპარლამენტო არჩევნებსა და მასში შეუფერხებლად მონაწილეობის პროცედურასთან დაკავშირებით საქართველოს საგარეო საქმეთა სამინისტროს ვებგვერდზე „არჩევნები 2020“: https://mfa.gov.ge/elections.aspx
გაცნობებთ, რომ ქ. ვაშინგტონში საარჩევნო უბანი გაიხსნება საელჩოში (1824 R Street, NW, Washington DC 20009). საარჩევნო უბნები ასევე გაიხსნება ქ. ნიუ იორკსა და ქ. სან ფრანცისკოში.
საქართველოს კანონმდებლობის შესაბამისად, უბნები გაიხსნება დილის 08:00 საათზე და დაიხურება საღამოს 20:00 საათზე“, – ნათქვამია აშშ-ში საქართველოს საელჩოს ინფორმაციაში.
სიახლეები
- "სანქციები რომ დააკისრონ ქვეყანას და ხალხს, ეს მიდგომა არასწორია"- ირაკლი ღარიბაშვილი
- "თურქეთი საქართველოს ევროატლანტიკურ სივრცეში გაწევრიანების მომხრედ რჩება და როგორც ადრე, ახლაც ისტორიის სწორ მხარეს დგას"
- პრეზიდენტმა „უცხოური გავლენის გამჭვირვალობის შესახებ” კანონს ვეტო დაადო
- "გავიგე, რომ ნატა ფერაძეს ოჯახთან ერთად მოუწია ქვეყნის დატოვება, რადგან დაჭერას უპირებდნენ სახელმწიფო გადატრიალების ბრალდებით"
- "პრეზიდენტად წოდებულს, ქალბატონს, რომ არ აინტერესებს კონსტიტუცია, ქვეყნის ინტერესები, ცხადი" - ირაკლი ღარიბაშვილი