ქუთაისის მუნიციპალიტეტის საკრებულომ რიგგარეშე მე-9 სხდომა გამართა, სადაც დღის წესრიგით წარმოდგენილი საკითხები იქნა დამტკიცებული.
სხდომას საკრებულოს თავმჯდომარე, ირაკლი შენგელია უძღვებოდა.
მიღებული გადაწყვეტილებით წარმომადგენლობითმა ორგანომ მხარი დაუჭირა, მერიის პირველადი სტრუქტურული ერთეულის – შიდა აუდიტის სამსახურის დებულებაში ცვლილების შეტანას.
ცვლილება ემყარება, 2010 წლის 30 ივლისის საქართველოს მთავრობის №1015 განკარგულებას. რომლის შედეგადაც, შიდა აუდიტის სუბიექტის უფროსმა პერიოდულად უნდა განიხილოს, შიდა აუდიტის დებულება და მასში შესაბამისი ცვლილების განხორციელების მიზნით, წინადადებები დაწესებულების ხელმძღვანელს წარუდგინოს.
ვინაიდან, შიდა აუდიტი აფასებს ფინანსური მართვისა და კონტროლის სისტემას, რისკების მართვის ეფექტიანობას და გასცემს რეკომენდაციებს მათი გაუმჯობესების მიზნით, დაგეგმილია სამსახურში ჩამოყალიბდეს შიდა აუდიტისა და გაცემული რეკომენდაციების მონიტორინგის განყოფილებები.
ცვლილება შევიდა საპრივატიზაციო ობიექტების გეგმასა და ნუსხაში, რომლის თანახმადაც შეიცვალა იმ ობიექტების ჩამონათვალი, რომელიც სახელმწიფო ბალანსზე ირიცხება.
ბულგარეთში, ქალაქ ბურგასში, გაერო-ს სურსათისა და სოფლის მეურნეობის ორგანიზაციის (FAO) ხმელთაშუა ზღვის მეთევზეობის გენერალური კომისიის (GFCM) მხარდაჭერით გამართულ სუბრეგიონული ჯგუფის შეხვედრაზე შავ ზღვაში მიმდინარე კვლევებისა და შედეგების შესახებ ინფორმაცია ბულგარელმა სპეციალისტებმა ქართველ კოლეგებს გაუზიარეს. ინფორმაციას გარემოს ეროვნული სააგენტო ავრცელებს.
მეუფე შიოს მოწამვლაზე ინფორმაციას შესაძლოა, ჰქონდეს ნაწილობრივი საფუძველი, რადგან სისხლის ანალიზში მძიმე მეტალების დაშვებულზე მეტი შემცველობა აღმოჩნდა, – ამის შესახებ საქართველოს საპატრიარქოს საზოგადოებასთან ურთიერთობის სამსახურის ხელმძღვანელმა, დეკანოზმა ანდრია ჯაღმაიძემ ჟურნალისტებს განუცხადა.
6-7 ივლისს, დასავლეთ საქართველოში შენარჩუნებული იქნება ცხელი და უმეტესად უნალექო ამინდი. ჰაერის ტემპერატურა ზოგან +35, +37 გრადუსამდე მოიმატებს. ამის შესახებ ინფორმაციას გარემოს ეროვნული სააგენტო ავრცელებს.
ქუთაისის ბოტანიკურ ბაღში ქალაქის მერმა, პარლამენტის მაჟორიტარმა დეპუტატმა ზაზა ლომინაძემ და საკრებულოს თავმჯდომარე ირაკლი შენგელიამ საპატიო და ღვაწლმოსილი მოქალაქეები დააჯილდოეს.
საქართველოს კათოლიკოს-პატრიარქის, ილია მეორის ექიმის, ცისანა შარტავას ინფორმაციით, პატრიარქის მოსაყდრე, სენაკისა და ჩხოროწყუს მიტროპოლიტი მეუფე შიო (მუჯირი) თავს კარგად გრძნობს. როგორც შარტავამ მედიასთან აღნიშნა, ამის შესახებ ინფორმაცია მას საპატრიარქოდან მიაწოდეს, ხოლო თავად მეუფესთან არ უსაუბრია.
