ხარაგაულის მუნიციპალიტეტში, სოფელ მარელისში ფერდობიდან ცენტრალური სარკინიგზო ლიანდაგზე ჩამოშლილი მიწის მასის ქვეშ მოყოლილი მოქალაქის ძებნა-შველის ღონისძიების ფარგლებში, მეხანძრე-მაშველების მიერ ნაპოვნი იქნა მამაკაცის ცხედარი.
საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი შიდასახელმწიფოებრივი მნიშვნელობის ქუთაისი(მოწამეთა)-ტყიბული-ამბროლაური საავტომობილო გზის 9 კმ-იანი მონაკვეთის სარეაბილიტაციო სამუშაოებს ახორციელებს. ამის შესახებ ინფორმაციას საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი ავრცელებს.
მათივე ცნობით, სამუშაოები აქტიურ ფაზაშია და ამ ეტაპზე, მიწის ექსკავაცია, ასფალტ-ბეტონის საფარის მოწყობა და ხელოვნური ნაგებობების მოწყობა მიმდინარეობს.
„ქუთაისი-ტყიბული-ამბროლაურის საავტომობილო გზა ერთმანეთთან აკავშირებს ტყიბულსა და ამბროლაურს. აღნიშნულ გზაზე საგზაო ინფრასტრუქტურის მოწესრიგება მნიშვნელოვანია რეგიონის სოციალ-ეკონომიკური და ტურისტული პოტენციალის განვითარებისთვის.
პროექტი 9 კილომეტრიანი გზის სრულ რეაბილიტაციას ითვალისწინებს. მოეწყობა ასფალტ-ბეტონის საფარი, ხელოვნური ნაგებობები, ადგილობრივ გზებთან მიერთებები, მოსახლეობის ეზოებში შესასვლელები და საგზაო ნიშნები.
პროექტი სახელმწიფო ბიუჯეტიდან 8 მილიონი ლარით ფინანსდება. სამუშაოების დასრულება მიმდინარე წლის ბოლოსთვის იგეგმება.
სარეაბილიტაციო სამუშაოებს ქართული კომპანია შპს "New Road" ახორციელებს“,- აღნიშნულია ინფორმაციაში.
ნატოს წევრი აღმოსავლეთ ევროპის ქვეყნები შიშობენ, რომ ბელარუსში რუსული კერძო სამხედრო კომპანია „ვაგნერის“ ძალების შესაძლო განთავსება რეგიონში არასტაბილურობას გაზრდის. ამ საკითხზე საუბარი იყო ჰააგაში, სადაც 27 ივნისს გაიმართა ნატოს წევრი პოლონეთის, ლიეტუვის, რუმინეთის, ალბანეთის, ნიდერლანდის, ბელგიის და ნორვეგიის ლიდერების და ნატოს გენერალური მდივნის შეხვედრა.
იმერეთში სახელმწიფო რწმუნებული ზვიად შალამბერიძე გერმანიის განვითარების ბანკის (KFW), საერთაშორისო საკონსულტაციო კომპანიისა (Fichtner Water & Transportation GmbH) და საქართველოს გაერთიანებული წყალმომარაგების კომპანიის წარმომადგენლებს შეხვდა.
ხვალ, 27 ივნისს აშშ-ის საზღვაო ქვეითთა ბენდი „Flagship"-ი აკ. წერეთლის უნივერსიტეტის სააქტო დარბაზში აშშ-ის დამოუკიდებლობის დღის აღსანიშნავ კონცერტს მართავს.
ქუთაისში მდინარეში მოზარდი დაიხრჩო. შემთხვევა მდინარე წყალწითელაზე მოხდა.
