დაავადებათა კონტროლის ეროვნული ცენტრის ხელმძღვანელის მოადგილის, პაატა იმნაძის განცხადებით, საქართველოში ანტიგენზე დაფუძნებულ სწრაფ ტესტებს, რომელსაც აქამდე უმეტესად სატვირთო მანქანების მძღოლების შემთხვევაში იყნებდნენ, ამიერიდან უფრო ფართოდ გამოიყენებენ.
დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ საეკლესიო პირებს და მრევლს თხოვნით მიმართა, მაქსიმალურად იყოს დაცული რეკომენდაციები, როგორიცაა პირბადის ტარება, დისტანციის დაცვა და დიდი შეკრებებისგან თავის არიდება.
გასული 24 საათის განმავლობაში ქუთაისის ინფექციურ საავადმყოფოს კორონავირუსით ინფიცირებული 12 პაციენტი დაემატა, ხოლო 10 გამოჯანმრთელდა.
საქართველოში ბოლო 24 საათში კორონავირუსისგან კიდევ 23 პაციენტი გარდაიცვალა და მათი რაოდენობა 238-მდე გაიზარდა.
საქართველოში კორონავირუსის 1824 ახალი შემთხვევა გამოვლინდა და ინფიცირების შემთხვევათა რაოდენობა 32127- ს შეადგენს. ამის შესახებ ინფორმაცია მთავრობის მიერ სპეციალურად შექმნილ ვებ-გვერდზე, stopcov.ge-ზეა განთავსებული.
