ექსპერტი ანდრია გვიდიანი სოციალურ ქსელში წერს:

"სინამდვილეში რაც მოხდა, ამის გაგებას ბევრი ფილოსოფია არ სჭირდება. სააკაშვილმა ყველაფერი ქნა იმისთვის, რომ მოლაპარაკებები ჩაშლილიყო. მან კარგად იცის, რომ მისი ერთადერთი შანსი ქუჩაა. ამიტომ, ყველაფერზე წავიდა, რომ ეს ოპოზიციად წოდებული გაუგებარი ხალხის კონგლომერატი ისევ ქუჩაში დარჩენილიყო.

მიშამ ზუსტად იცოდა რომ არც უსამართლოდ მოთხოვნილ ვადამდელზე დათანხმდებოდა ვინმე და არც კრიმინალების უაპელაციოდ გათავისუფლებაზე. ამიტომ ბოლომდე ამ საკითხებს მიაწვა, რომ მოლაპარაკებები ჩაშლილიყო.

სამწუხარო ის არის, რომ მთელი ეს ე.წ. ოპოზიცია სააკაშვილის დღის წესრიგით მოქმედებს, ერთი კაცის ჭკუაზე დადის და რასაც ის ბრძანებს ესენიც იმას აკეთებენ - იმიტომ, რომ მონები არიან და მეტი არაფერი!

მეორე მხრივ თუ შევხედავთ, ოპოზიციაში სააკაშვილის დომინირება ბუნებრივი ამბავია. მთელი ოპოზიცია მისი ფულით არსებობს, მისი ტელევიზიებით ცოცხლობს, მისი პარტაქტივით ატარებენ აქციებს და, ზოგადად, მთელი ეს ოპოზიცია მიშას ბოსტანია - მორჩა და გათავდა. ამიტომ, გადამწყვეტი სიტყვაც მისია, ეს არის და ეს.

დანარჩენები არავინ ხართ, არაფერს წარმოადგენთ, არაფრის მაქნისები ხართ, იმდენად არაფერს წარმოადგენთ, რომ შემთხვევით მანდატები აიღეთ და თქვენ ჭკუაზე პარლამენტშიც ვერ შედიხართ თქვე სამარცხვინოებო, თქვენა. რასაც მიშა გეტყვით, იმას გააკეთებთ. არ გააკეთებთ და მაგასაც ნახავთ ვისი აჯობებს. ამიტომ ჩმორები ხართ და მეტი არაფერი.

იმ სააკაშვილს კიდე რომ შეხედო, მაგას არაფერი ენაღვლება. თვითონ წამოწოლილია სადღაც კიევში, შიგადაშიგ აქ ჩაერთვება ხოლმე თავის ტელევიზიებს, რაღაცეებს იბოდიალებს, ბოლს დააყენებს, მერე გადაბრუნდება და თავიდან ბოლომე "კაიფობს" ცხოვრებით.

ახლა გეკითხებით, აი, რაში აწყობს სააკაშვილს პარლამენტში წამოჭიმული ვიღაც არარაობები, რომლებიც თავიანთ თავებს პოლიტიკოსებს ეძახიან?! მას აწყობს მხოლოდ არეულობა, ქაოსი და გაუგებრობა - იმიტომ, რომ თევზი მხოლოდ მღვრიე წყალში იჭირება.

ამიტომაც გასაგებად თქვა თქვა სააკაშვილმა - "ევროპა არა ტოროლაო" და ისე აგიხდეთ ყველაფერი. გამოლაგდნენ მერე ეს პოლიტიკოსებად წოდებული ე.წ. ოპოზიცია დაეწყვენენ ერთმანეთის მიყოლებით და დაიწყეს სისულელეების ბლუკუნი, როგორც მიშამ დაავალა ზუსტად ისე.

P.S. - სასაცილოებიც აღარ ხართ უკვე, უბრალოდ საცოდავები ხართ, მართლა მეცოდებით, ცინიზმის გარეშე ვამბობ,"- წერს ის.