800 მილიონიან ინვესტიციაზე სიხარულით ვთქვით უარი - ანდრია გვიდიანი
ეკონომისტი ანდრია გვიდიანი სოციალურ ქსელში ENKA -ს განცხადებას ეხმაურება:
"გილოცავთ, საქართველო თურქ-სელჩუკებისგან თავისუფალია, გაუმარჯოს დამოუკიდებელ საქართველოს! - ეს სარკაზმით, რა თქმა უნდა.
ახლა კი სერიოზულად
- რომ იცოდეთ, დღეს თვალს ადევნებთ, პროცესს, როცა ჩვენივე უთავბოლობით თუნდაც მცირედი განვითარების შანსი ხელიდან გავუშვით;
- თქვენ თვალს ადევნებთ პროცესს, როგორ ჩაერია უცხო ქვეყნის სპეცსასმსახური ჩვენი ქვეყნის ყოველდღიურობაში და როგორ მიაღწია თავის მიზანს;
- თუ ოდესმე დაგაინტერესებთ, რატომ არ ვართ უფრო განვითარებული, მდიდარი და კარგი ქვეყანა, ყოველთვის გახსოვდეთ, რომ ყველაფერი ჩვენი სისულელეების ბრალია და სხვისკენ ხელის გაშვერას შევეშვათ;
- თუ გაგიჩნდებათ კითხვა, რატომ არ არიან უფრო მეტი ინვესტორები, გაიხსენეთ, რომ უმდიდრეს ინვესტორს "შე თურქო" ვეძახეთ და ისე გავაგდეთ;
- თუ დაგაინტერესებთ რატომ არ კეთდება უფრო მეტი ბიზნესი, გაიხსენეთ, რომ 800 მილიონიან ინვესტიციაზე სიხარულით ვთქვით უარი;
- დღეს, თქვენ თვალს ადევნებთ პროცესს, როცა ემოციურად ვიმოქმედეთ და შეგნებულად უარი ვთქვით რაციონალურ, ცივი გონებით, აზროვნებაზე;
- დღეს ხდება ის, რომ ვიღაც გაუგებარი ადამიენების გულზე მჯიღების ცემამ იმუშავა და "ჯოს-ჯოს" ძახილით გადაწყვეტილებების მიღებამ შეაფერხა ქვეყნის განვითარება;
P.S. - ასე რომ,
სანამ მიდგომებს არ შევცვლით;
სანამ უაზრო აქციებზე ბოდიალს არ შევეშვებით;
სანამ არგუმენტირებულ მსჯელობას პოპულიზმი გვერჩივნება;
მანამდე ვიქნებით იმ ერთ მოჯადოებულ წრეზე, რომლიდან თავის დაღწევაც ყველას უნდა,"- წერს ანდრია გვიდიანი.
შეგახსენებთ, რომ ENKA Renewables-ი საქართველოს სახელმწიფოსთან არსებულ ხელშეკრულებას წყვეტს - $800 მილიონიანი ჰიდროელექტროსადგური აღარ აშენდება.
ამის შესახებ Enka Renewables-ის მშობელი კომპანიის - ENKA İNŞAAT-ის მიერ სტამბოლის საფონდო ბირჟაზე გამოქვეყნებული განცხადებიდან ხდება ცნობილი.
განცხადებაში ნათქვამია, რომ ხელშეკრულების შეწყვეტის მიზეზს მასში გათვალისწინებული პირობების დარღვევა და ფორს-მაჟორი წარმოადგენს.
“ENKA Renewables-ი, რომელშიც ENKA İNŞAAT-ი 90%-იან წილს ფლობს, საქართველოს სახელმწიფოს აცნობს, რომ მოხდეს ნამახვანის ჰიდროელექტროსადგურის კასკადის მშენებლობა-ფლობა-ოპერირების თაობაზე, 2019 წლის 25 აპრილს გაფორმებული ხელშეკრულების შეწყვეტა/გაუქმება, რის მიზეზსაც კონტრაქტით გათვალისწინებული პირობების დარღვევა და ფორს-მაჟორი წარმოადგენს", - ნათქვამია განცხადებაში.
სიახლეები
- კორუფცია თუ არშემდგარი “რევოლუციის” მხარდაჭერა - ყოფილ მაღალჩინოსნების ჩხრეკის შემდეგ ჯერ არავინ დაუკავებიათ
- უცხოური ვალუტის ოფიციალური კურსი 21 ოქტომბრისთვის
- "2009 წელს, ჩვენს წინააღმდეგ აქციებს ივანიშვილი აფინანსებდა" - მიხეილ სააკაშვილი
- კრემლში აცხადებენ, რომ საქართველოს კომპენსაციას არ გადაუხდიან - “ეს მილიონები არსად არ გაქრება, რუსეთს მისი გადახდა მოუწევს”
- სუს-ის ანტიკორუფციულმა სააგენტომ თბილისში, ქუთაისსა და ბათუმში ყალბი სამედიცინო მოწმობის დამზადებისა და კომერციულ მოსყიდვაში დახმარების ფაქტებზე სამი პირი დააკავა