ელენე ხოშტარია სკოლის სახელმძღვანელოში ბიძინა ივანიშვილზე ჩანაწერს აპროტესტებს
პოლიტიკური გაერთიანება"დროას" ლიდერი ელენე ხოშტარია საქართველოს ყოფილ პრემიერ-მინისტრზე ბიძინა ივანიშვილზე გაკეთებულ ჩანაწერს, რომელიც მე-9 კლასის სახელმძღვანელოშია, აპროტესტებს.
ის მოუწოდებს თანამოაზრეებს ჩაერთონ პროტესტის სხვადასხვა ფორმაში.
"მეგობრებო, ხვალიდან და შედეგის მიღწევამდე, ვიწყებთ სხვადასხვა ფორმის პროტესტს სკოლის სახელმძღვანელოში "ბელადი ბიძინას" დიდების შეტანის გამო.
ყველა, ვისაც ამ თემაზე გაქვთ პროტესტი გამოგვეხმაურეთ. ყველა იპოვით თქვენს ადგილს ამ პროტესტში, იქნება ბევრი ფორმით", - ნათქვამია ელენე ხოშტარიას პოსტში.
"საქართველოში დემოკრატიულმა ტენდენციებმა შეუქცევადი ხასიათი მიიღო. ამის გამოხატულება იყო 2012 წლის საპარლამენტო არჩევნები, როდესაც მმართველი პარტია "ნაციონალური მოძრაობა" დამარცხდა და ოპოზიციურმა "ქართულმა ოცნებამ" გაიმარჯვა. მთავრობის მეთაური, პრემიერ-მინისტრი, "ქართული ოცნების" დამფუძნებელი, ცნობილი ქველმოქმედი და მეცენატი ბიძინა ივანიშვილი გახდა.
ხელისუფლების ცვლილების მიუხედავად ქვეყნის ევროპული კურსი არ შეცვლილა და პირიქით, ინტეგრაცია კიდევ უფრო გაღრმავდა. საქართველო ევროკავშირის ასოცირებული წევრი გახდა", - წერია მე-9 კლასის ისტორიის სახელმძღვანელოში.
სიახლეები
- “შეერთებული შტატების პრეზიდენტს რუსეთზე ზეწოლის ყველა საჭირო ინსტრუმენტი აქვს” – ვოლოდიმირ ზელენსკი
- 9 ივნისის ასტროლოგიური პროგნოზი
- ხორციანი ბლინები
- კოლუმბიაში ესროლეს პრეზიდენტობის პოტენციურ კანდიდატს, ეჭვმიტანილი დაკავებულია
- “მე, როცა სამშობლოს იარაღით ხელში ვიცავდი, თქვენ საცხოვრებელი სახლისა და ლუკმა პურის გარეშე ტოვებდით ჩვენს მოქალაქეებს – თქვენი განცხადება ჩხოროწყუელებისთვის არის დამამცირებელი და გირჩევდით მათ წინაშე ბოდიშის მოხდას” - ჯუმბერ იზორია მამუკა ხაზარაძეს
