„გმირებს გმირობას როგორ დააყვედრებთ?!" - თაკო ჩარკვიანი
“ხელისუფლებავ, რა ხდება, სხვათა ვაჟკაცობის შეგშურდათ და თან პუტინის საამებლად იქცევით? რა "პატარები" ხართ!” - ასე მიმართავს ხელისუფლებას პარტია „კანონი და სამართლის“ ლიდერი თაკო ჩარკვიანი.
ჩარკვიანი მიიჩნევს, რომ ხელისუფლებამ უკრაინის ომში დაღუპული ქართველი მებრძოლებისადმი შესაბამისი დამოკიდებულება არ გამოავლინა.
„გმირებს გმირობას როგორ დააყვედრებთ?! და რომ არ მისცემთ გმირობას აღარ იქნებიან გმირები? აბა რა ხდება, პუტინს უგზავნით მესიჯს, რომ უკრაინაში ვინც იბრძვის თქვენ მათ სჯით! ასეა ხომ?
ჰოდა “ხელისუფლებავ,” დაიმახსოვრეთ, რომ ჯაბანი ხალხი ხართ, ლაჩარი... და ლაჩარი კაცი გმირს ვერასდროს დასჯის, რადგან ერთი დიდი საკაცობრიო უპირატესობა უკვე აქვთ გმირებს, მათ სიკვდილი დაამარცხეს უკვდავებით, მარადისობით!“ -წერს თაკო ჩარკვიანი სოციალურ ქსელში.
ცნობისათვის, უკრაინაში რუსეთის სრულმასშტაბიანი ინტერვენციის წინააღმდეგ ბრძოლის დროს სამი ქართველი მოხალისე დაიღუპა. გია ბერიაშვილი და დავით რატიანი 18 მარტს, კიევის ჩრდილო-დასავლეთით, ირპინის ფრონტზე დაიღუპნენ, როდესაც უკრაინის დედაქალაქს რუსეთის შეიარაღებული ძალების შემოჭრისგან იცავდნენ. 19 მარტს გავრცელდა ინფორმაცია, კიდევ ერთი ქართველი მებრძოლის, ბახვა ჩიქობავა დაღუპვის შესახებ. ჩიქობავა, ქალაქ მარიუპოლის დაცვისას გარდაიცვალა.
სიახლეები
- "10 წლის წინ „ქართულმა ოცნებამ“ დაპირება გასცა, რომ წყალტუბოში 5-ვარსკვლავიან სასტუმროს გააკეთებდნენ, თუმცა აქ კვლავაც „ქოცური“ ნანგრევებია" - გრიგოლ გეგელია
- რა დათმობაზე შეიძლება წავიდეს პუტინი - “თუ მოლაპარაკება უშედეგოდ დასრულდა, ეს ტრამპისთვის პოლიტიკურად დამღუპველი იქნება”
- "პუტინი ჭკვიანი კაცია, კარგად ვუგებთ ერთმანეთს, შეიძლება, შეხვედრაზე რაღაცას მივაღწიოთ" - დონალდ ტრამპი
- "ის, რომ ლაზარე გრიგორიადისის შემდეგ, კიდევ ვიღაცამ გაბედა „მოლოტოვის კოქტეილის“ ხელში აღება, სრულად ბრიუსელის სინდისზეა" - შალვა პაპუაშვილი
- უცხოური ვალუტის ოფიციალური კურსი 16 აგვისტოსთვის
