"ღარიბაშვილმა ამ დღეებში ნატოში ინტეგრაციასთან დაკავშირებული სტრატეგია შეცვალა"

ღარიბაშვილმა ამ დღეებში შეცვალა ნატოში ინტეგრაციასთან დაკავშირებული სტრატეგია. ანუ, უკვე ოფიციალური პოზიციაა, რომ ჯერ ტერიტორიული მთლიანობა უნდა აღდგეს და შემდეგ გავწევრიანდეთ ნატოში, - ამი შესახებ სოციალურ ქსელში სერგი კაპანაძე წერს.

 მისი თქმით, ეს იყო წლების განმავლობაში რუსეთის ინტერესი და ირიბად ამ რიტორიკის დამკვიდრებას უწყობდა ხელს ყველგან.

 

"როდესაც ამას სკეპტიკოსი ევროპელი დიპლომატები გვეუბნებოდნენ, ვარწმუნებდით, რომ ეს არასწორი იყო. ვარწმუნებდით, რომ კონფლიქტის მოგვარება ჩვენს ხელში არ იყო, და ამაზე ნატოში წევრობის დამოკიდებულება რუსეთს აძლევდა ნატოს გაფართოებაზე ვეტოს. ასევე, ვუხსნიდით, რომ, მაგალითად, გაწევრიანება შეიძლებოდა ისე, რომ მე-5 მუხლი არ გავრცელებულიყო აფხაზეთზე და ცხინვალზე. ეს ესმოდათ. ახლა ეს კონტრარგუმენტები არარელევანტური გახდა, რადგან თურმე პრემიერსაც მიაჩნია, რომ კონფლიქტის მოგვარებამდე ნატოში ვერ შევალთ. ანუ, პრემიერი და მთავრობა აღიარებს, რომ სანამ რუსეთი არ დაგვრთავს ნებას, ნატოში ვერ გავწევრიანდებით.

 

საქართველოს საგარეო საქმეთა სამინისტრო / MFA of Georgia იცით, ხომ, ამ შეცვლილი სტრატეგიის შესახებ? მოგწონთ? ეთანხმებით? რას ფიქრობთ? თუ კვლავ სიჩუმეს შეინარჩუნებთ, რადგან უფროსი შეიძლება გაბრაზდეს?"- წერს სერგი კაპანაძე.

წაკითხვა 59 ჯერ
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.