"ყველაზე გასაიდუმლოებული "კოზირი" - რომელი რაკეტებით დაესხა თავს უკრაინა ყირიმს

სამხედრო ექსპერტი გიგა ინაშვილი უკრაინის მიერ ყირიმზე თავდასხმას სოციალურ ქსელში ეხმაურება:

"დიდი ხანია მინდოდა ამ თემაზე დაპოსტვა მაგრამ თავს ვიკავებდი.

 

ომის დაწყების დღიდან ველოდი, რომ ეს სისტემაც ადრე თუ გვიან გამოჩნდებოდა.

 

ყველაზე გასაიდუმლოებული უკრაინული "კოზირი".

 

2013 წლიდან მოყოლებული უკრაინაში, ქალაქ დნიპროში არსებულ Южмаш-ის სარაკეტო ქარხანასთან არსებული საკონსტრუქტორო ბიურო "იუჟნოე" მუშაობდა ერთ-ერთ ყველაზე გასაიდუმლოებულ პროექტზე, უკრაინულ ოპერატიულ-ტაქტიკურ სარაკეტო კომპლექსზე Грім-2 რომლის პროექტიც ჯერ კიდევ 80-იანი წლებიდან არსებობდა, თუმცა 90-იანების კრიზისის ფონზე არავის გახსენებია. თავიდან კომპლექსი მხოლოდ უკრაინის არმიისთვის განიხილებოდა, თუმცა 2016 წლიდან პროექტით საუდის არაბეთიც დაინტერესდა და საჭირო ფინანსებიც ჩადო...

 

სამუშაოები უკიდურესად დახურულ რეჟიმში გაგრძელდა.

 

უკვე 2018 წელს პირველი საჩვენებელი მანქანა კიევში სამხედრო აღლუმზეც გამოიყვანეს.

 

სარაკეტო კომპლექსი დანიშნულებით, ტექნიკური თავისებურებებით და ტექნოლოგიურად რუსული "ისკანდერის" პირდაპირი ანალოგია.

 

რა ეტაპზე იყო ომამდე პროექტი მიყვანილი დაზუსტებით უცნობია, არის ინფორმაცია, რომ გარდა მაკეტებისა რამდენიმე საბრძოლო რაკეტის დამზადებაც მოასწრეს.

 

ზოგადი ტტმ:
ფრენის მანძილი - 500 კმ
რაკეტის მასა - 3500 კგ
ქობინის მასა - 480 კგ
რაკეტის სიგრძე - 7,2 მეტრი
დამიზნების სისტემა - GPS/INS
სიზუსტე - 50 მეტრი.

დაზიანების ფართობი:
- მსხვრევად-ფუგასური უნიტარული ქობინი - 10 000 მ2.
- კასეტური ქობინი - 2-3 ჰექტარი.

ყირიმში საკის აეროდრომს უკრაინელებმა დიდი ალბათობით სწორედ ამ რაკეტებით დაარტყეს!

 

სხვათა შორის უკრაინის ტერიტორიის ჩრდილო-აღმოსავლეთი ნაწილიდან მოსკოვსაც სწვდება,"- წერს გიგა ინაშვილი.

წაკითხვა 129 ჯერ განახლდა განახლდა აგვისტო 10 2022
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.