"იმისათვის, რომ ქვეყანა დავაბრუნოთ სახელმწიფოებრივი განვითარების გზაზე, გვჭირდება დიდი ეროვნული თანხმობა"
იმისათვის, რომ ქვეყანა დავაბრუნოთ ნორმალური, სახელმწიფოებრივი განვითარების გზაზე, გვჭირდება დიდი ეროვნული თანხმობა იმ თემებზე, რაც გვყოფს და გვაპირისპირებს, - ამის შესახებ სოციალურ ქსელში პოლიტოლოგი გია ხუხაშვილი წერს.
მისი თქმით, ეროვნულ თანხმობას სჭირდება კონსენსუსი.
"ასეთი კონსენსუსია ბიძინასა და მიშას შორის არჩევანის მანკიერი სპირალიდან გამოსვლა, რაც შესაძლებელია ერთადერთი გზით - ორივესთვის უარის თქმით.
ჩვენ უნდა გავაცნობიეროთ, რომ მათ შორის არჩევანი არის არჩევანი წარსულსა და აწმყოს შორის, რომელთა შერიგება შეუძლებელია.
წარსული და აწმყო ერთმანეთს კვებავენ და აძლიერებენ სიძულვილით და უკეთესი მომავლისკენ მიმავალ გზას უხშობენ ქვეყანას.
ამიტომ, ერთადერთი გზა, რომელიც ისტორიის სწორ გზაზე გაგვიყვანს არის მარტივი - “მიშა, თუ ბიძინას” აგრესიული, უკომპრომისო ნეგატიური პოლიტიკიდან, “არც მიშა, არც ბიძინას” პოზიტიურ, მათ გარეშე მომავლის პოლიტიკაზე გადასვლაა.
მივმართავ ფრონტის ორივე მხარეს მდგომ “ბიძინისტებს” და “მიშისტებს” - ქართული სახელმწიფოს ღირსეული მომავალი განუზომლად უფრო დიდია, ვიდრე ნებისმიერი ჩვენგანი, მათ შორის ბიძინაც და მიშაც.
კერპების მსხვრევის და უკეთესი მომავლისთვის ზრუნვის დროა…"- წერს გია ხუხაშვილი.
სიახლეები
- "რუსეთი უარყოფს ცეცხლის შეწყვეტის მრავალრიცხოვან მოთხოვნას და ჯერ არ განუსაზღვრავს, როდის შეაჩერებს მკვლელობებს, ეს ართულებს ვითარებას" -ვოლოდიმირ ზელენსკი
- 17 აგვისტოს ასტროლოგიური პროგნოზი
- "10 წლის წინ „ქართულმა ოცნებამ“ დაპირება გასცა, რომ წყალტუბოში 5-ვარსკვლავიან სასტუმროს გააკეთებდნენ, თუმცა აქ კვლავაც „ქოცური“ ნანგრევებია" - გრიგოლ გეგელია
- რა დათმობაზე შეიძლება წავიდეს პუტინი - “თუ მოლაპარაკება უშედეგოდ დასრულდა, ეს ტრამპისთვის პოლიტიკურად დამღუპველი იქნება”
- "პუტინი ჭკვიანი კაცია, კარგად ვუგებთ ერთმანეთს, შეიძლება, შეხვედრაზე რაღაცას მივაღწიოთ" - დონალდ ტრამპი
