მისი თქმით, მყარმა ლარმა ხელი შეუშალა ფასების კიდევ უფრო მეტად ზრდას. 

"შემოსულო ფულის ნაწილი ხმარდება ადგილობრივ ბიზნესს და მოსახლეობას. შემოსული ფულის საკმაო ნაწილი არის იმ ქართველების მიერ შემოტანილი თანხა, რომლებიც ტოვებენ რუსეთს, ყიდიან ბიზნესებს და ქონებას. ეს სატელევიზიო ექსპერტები კი გაჰყვირიან, რომ ვიღუპებით, რუსეთის ფინანსური გავლენა იზრდებაო. არა და თავად რუსეთის ხელისუფლება უნდა ყვიროდეს, რომ თავქუდმოგლეჯით გარბის კაპიტალი ამ ქვეყნიდან. 

რა პრობლემა შეიძლება ამოვიკითხოთ რუსეთიდან შემოსულ დიდძალ ფულში? 

1. შემოდიან რუსი მოქალაქეები( ეს ადმინისტრაციული საკითხია და არა ფინანსური).

2. გაჩნდა ე. წ. ჰოლანდიური სინდრომის საფრთხე( ეს არის ფინანსური პრობლემა). 

თუ დასახელებული ორი პრობლემა დროებითია, ეს ერთი საკითხია, თუ ხანგრძლივი-მეორე. ამაზე უნდა იყოს მსჯელობა და არა პოლიტიზებულ ინტერპრეტაციაზე, რომელსაც არ პოლიტიკური ეფექტი აქვს. როცა ფული შემოდის, ის ვიღაცის ჯიბეში ხვდება. გული მარცხნივ მიმაქანებს, მაგრამ ჯიბე მარჯვნივო, ეს ფრანგული პოლიტიკური სენტენციაა,"- წერს რომან გოცირიძე.