"ერთმა პატარა გოგომ გაბედა, დროა გავბედო მეც! ME TOO!!! ოღონდ ჩემს ისტორიას სხვა მოძალადე ჰყავს!"

მას შემ­დეგ, რაც შალ­ვა რა­მიშ­ვი­ლი სექ­სუ­ა­ლურ შე­ვიწ­რო­ე­ბა­ში ისევ და­ა­და­ნა­შა­უ­ლეს, უამ­რავ­მა ქალ­მა და­წე­რა სა­კუ­თა­რი მძი­მე გა­მოც­დი­ლე­ბის შე­სა­ხებ. მათ შო­რის აღმოჩნდა ტე­ლე­წამ­ყვა­ნი მაია ასა­თი­ა­ნი, რო­მე­ლმაც ახლა აღიარე, რომ თა­ვა­დაც იყო სექ­სუ­ა­ლუ­რი შე­ვიწ­რო­ე­ბის მსხვერ­პლი:

“პირ­ვე­ლი გან­ცდა, ამ დროს რომ გე­უფ­ლე­ბა არის ეჭვი, იქ­ნებ მო­გეჩ­ვე­ნა, იქ­ნებ რა­ღაც არას­წო­რად გა­ი­გე, იქ­ნებ ხელი უფ­რო­სი მე­გო­ბა­რი­ვით შე­გა­ხო, მე­ო­რედ, მე­სა­მედ და კი­დევ უამ­რავ­ჯერ რომ მე­ორ­დე­ბა სა­ში­ნე­ლი დამ­ცი­რე­ბის გრძნო­ბა გაქვს, რა­ტომ შენ, შენ რა­ტომ გა­გი­ბე­დეს ასე ურ­ცხვად, ასე პირ­და­პირ…

 

მერე ამაზ­რზე­ნი სირ­ცხვი­ლის გრძნო­ბა გიპყრობს, ცდი­ლობ თავი და­იც­ვა, დე­რე­ფან­ში რომ და­ი­ნახვ კე­დელს ეკ­ვრი, სად­მე შორს თუ მოკ­რავ თვალს სწრა­ფად გარ­ბი­ხარ, საქ­მი­ა­ნი გა­დაკ­ვე­თა თუ გი­წევს რამ­დე­ნი­მე მეტ­რი­ან დის­ტან­ცი­ას იჭერ და ხე­ლე­ბი მო­მუშ­ტუ­ლი გაქვს, ცდი­ლობ არა­სო­დეს დარ­ჩე მას­თან ერ­თად კა­ბი­ნეტ­ში მარ­ტო.

 

მერე პირ­და­პირ გე­უბ­ნე­ბი­ან, რომ საქ­მე­ში ხელს შე­გიშ­ლი­ან თუ არ… რა­ტომ დუ­მან წლე­ბის მან­ძილ­ზე ამა­ზე ქა­ლე­ბი? იმი­ტომ, რომ სა­კუ­თარ თავს ვერ პა­ტი­ობ ეს რომ გა­გი­ბე­დეს, იმი­ტომ, რომ როცა პირ­ვე­ლად გავ­ბე­დე და სხვა კო­ლე­გა მა­მა­კა­ცებს ვუ­თხა­რი, ვუ­თხა­რი იმი­ტომ, რომ და­ვე­ცა­ვი, სა­პა­სუ­ხოდ ღლი­ცი­ნი მი­ვი­ღე.

 

მერე წლე­ბი გა­ვი­და, ძლი­ე­რი, და­მო­უ­კი­დე­ბე­ლი ქალი გავ­ხდი, ჩემს გარ­შე­მო ამ მა­მა­კა­ცის შე­ვიწ­რო­ვე­ბუ­ლი სხვა ქა­ლე­ბიც ვნა­ხე. ყვე­ლას სძულ­და მისი ცხოვ­რე­ბის ის მო­ნაკ­ვე­თი, არც ერთ მათ­განს არ უნ­დო­და ამ თე­მა­ზე ხმა­მაღ­ლა სა­უ­ბა­რი. ვერ გავ­ბე­დე მეც. მძულს ჩემ­ში ის შიში, ამ­დე­ნი ხანი გა­ჩუ­მე­ბას რომ მა­ი­ძუ­ლებ­და, ერ­თმა პა­ტა­რა გო­გომ გა­ბე­და, დროა გავ­ბე­დო მეც! ME TOO!!! ოღონდ ჩემს ის­ტო­რი­ას სხვა მო­ძა­ლა­დე ჰყავს!” – წერს ასა­თი­ა­ნი.

წაკითხვა 2375 ჯერ
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.