"ევროკავშირში უკრიანის წევრობის დასაწყისი დღეიდან აითვლება" - ზელენსკი
უკრაინის პრეზიდენტის, ვოლოდიმირ ზელენსკის განცხადებით, ევროკავშირში უკრიანის წევრობის დასაწყისი დღეიდან აითვლება, – ამის შესახებ მან ევროკავშირში უკრაინის წევრობის შესახებ მოლაპარაკებების ოფიციალური დაწყების კომენტირებისას სოციალურ ქსელ X-ში დაწერა.
ლუქსემბურგში უკრაინის ევროკავშირში გაწევრიანების საკითხზე დღეს პირველი მთავრობათაშორისი კონფერენცია იმართება, რომელზეც მოლაპარაკებები ოფიციალურად დაიწყება. მანამდე ევროპულმა საბჭომ დაამტკიცა უკრიანისა და მოლდოვისთვის მოლაპარაკებების ჩარჩოები.
„დღეს არის ისტორიული დღე, როდესაც ჩვენ გადავდივართ უკრაინის წევრობის შესახებ ევროკავშირთან ფაქტობრივ, რეალურ მოლაპარაკებებზე. 2022 წლის 28 თებერვალს, ფართომასშტაბური ომის დაწყებიდან რამდენიმე დღეში ხელი მოვაწერეთ წევრობის განაცხადს. თითქმის ორი წლის წინ, 2022 წლის ივნისში მივიღეთ კანდიდატის სტატუსი, გასული წლის დეკემბერში კი – მოლაპარაკებების დაწყების პოლიტიკური გადაწყვეტილება. თუმცა სწორედ დღეიდან აითვლება ევროკავშირში ჩვენი წევრობის დასაწყისი: უკვე დღეს გაიმართება უკრაინისა და ევროკავშირის პირველი მთავრობათაშორისი კონფერენცია. მადლობა თითოეულს, ვინც იცავს უკრაინას, ჩვენს სახელმწიფოს, ჩვენს ხალხს. მადლობა გუნდს, რომელიც ყველაფერს აკეთებს, რომ ჩვენ ევროკავშირის ნაწილი გავხდეთ. ჩვენ ვერასდროს გადაგვახვევინებენ გაერთიანებული ევროპისკენ გზიდან, ჩვენი საერთო სახლისკენ – ყველა ევროპელი ერის სახლისკენ. სახლისკენ, რომელიც უნდა იყოს მშვიდობიანი!“ – დაწერა ზელენსკიმ.
სიახლეები
- "უკრაინა გადაწყვეტს, როდის დაიწყოს მოლაპარაკებები აგრესორ ქვეყანასთან - რუსეთთან" - ზელენსკი
- "დემოკრატიისთვის შეუთავსებელია, როდესაც ოპოზიციას არ უნდა, რომ ოპოზიცია იყოს" - არჩილ თალაკვაძე
- " პარლამენტის დღევანდელი სხდომა არის ილუსტრაცია იმისა, რომ სადაც არ არის კოლექტიური „ნაცმოძრაობა", იქ არის სიმშვიდე და მშვიდობა" - პრემიერი
- "აშშ-ის ქმედებების გამო რუსეთმა უნდა დაიწყოს საშუალო და მცირე სიშორის რაკეტების წარმოება და შესაძლოა, განლაგებაც" - პუტინი
- "მაშინ, როდესაც მთელი საქართველო ეროვნული ნაკრების უპრეცედენტო წარმატებას ზეიმობდა, „ნაცმოძრაობა“ აინიცირებდა ევროსაბჭოს საპარლამენტო ასამბლეიდან საქართველოს ამორიცხვის საკითხს"