Facebook-მა ძალადობის მაპროვოცირებელი 200-მდე ანგარიში წაშალა
Facebook-მა ძალადობრივი შინაარსისა და ამბოხის მაპროვოცირებელი 190 სოციალური მედია ანგარიში წაშალა.
ამის შესახებ ინფორმაციას New Your Post ავრცელებს.
გამოცემის ცნობით, "ფეისბუკმა" თეთრკანიან ჯგუფებთან დაკავშირებული ანგარიშები წაშალა, რომლებიც აფროამერიკელი ჯორჯ ფლოიდის გარდაცვალებით გამოწვეული საპროტესტო აქციების წევრების წახალისებას ცდილობდნენ. სოციალური გვერდები მოუწოდებნენ მოსახლეობას აქციებზე შეიარაღებულები მისულიყვნენ.
”ჩვენ აღმოვაჩინეთ ჯგუფები, რომლებიც ცდილობდნენ აქციები ძალადობაში გადაზრდილიყო, ზოგიერთ შემთხვევაში კი ისინი აქციებზე იარაღით წასასვლელად ემზადებოდნენ”, - განაცხადა Facebook–ის ანტიტერორისტული და საშიში ორგანიზაციების პოლიტიკის დირექტორმა, ბრაიან ფითმანმა.
კომპანია წაშლილი ანგარიშების მომხმარებლების შესახებ დეტალურ ინფორმაციას არ აქვეყნებს. განცხადებაში ნათქვამია, რომ ისინი აშშ-ის თეთრკანიანი მოქალაქეები არიან, მათი საცხოვრებელი ადგილი არ სახელდება.
შეგახსენებთ, Facebook-ის დამფუძნებელმა, მარკ ცუკერბერგმა განაცხადა, რომ იგი მზად არის შეიმუშაოს სპეციალური ზომები, რათა უზრუნველყოს „რასობრივი სამართლიანობა“ სოციალურ ქსელში. ცუკერბერგი აფროამერიკელი ჯორჯ ფლოიდის გარდაცვალების საკითხს გამოეხმაურა. Facebook-ზე გამოქვეყნებულ განცხადებაში მან აღნიშნა, რომ სოციალურ ქსელში "ძალის გამოყენების მუქარის" შემცველი მასალის გამოქვეყნების პოლიტიკის საკითხსაც აუცილებლად გადახედავს.
სიახლეები
- ზოგადი განათლების საფეხურებში ცვლილება ხორციელდება, რომლის მიღების შედეგადაც, სავალდებულო საბაზო განათლება 9 კლასის ნაცვლად, 10 კლასით განისაზღვრება
- ქათამი თაფლითა და ფორთოხლით
- მთავრობის დადგენილებით, ოჯახის სიწმინდისა და მშობლების პატივისცემის დღესთან დაკავშირებით, 17 მაისი უქმე დღედ გამოცხადდა
- შარლ მიშელი სალომე ზურაბიშვილთან და ირაკლი კობახიძესთან სატელეფონო საუბრის შესახებ ინფორმაციას ავრცელებს
- " ჩვენ არ ვართ კოლონია, დამოუკიდებელი სუვერენული სახელმწიფო ვართ - ევროპაში თავაწეული დავდივარ, რატომ უნდა წამომარტყას ვიღაცამ?" - კახა კალაძე