"სწავლა იატაკქვეშეთის არაფორმალურ სკოლებში გადაინაცვლებს" - ეკა კვესიტაძე
ჟურნალისტი და ტელე-წამყვანი ეკა კვესიტაძე სოციალურ ქსელში სასწავლო პროცესის შეზღუდვასთან დაკავშირებით წერს, რომ კერძო სკოლის დაწყებითი კლასების მოსწავლეთა მშობლებს სურთ, რომ ბავშვები კერძო სახლში შეიკრიბნონ და იქ ჩაატარონ გაკვეთილები.
ჟურნალისტი აღნიშნავს, რომ განათლების სამინისტრო მასწავლებლების მიერ გაჟღერებულ, მშობლების აღნიშნულ ინიციატივას დაეთანხმა.
"მოკლედ, სრულიად წარმოუდგენელი ამბავია - კერძო სკოლის დაბალი კლასების მოსწავლეთა მშობლებს სურთ, რომ ბავშვები კერძო სახლში შეიკრიბონ და იქ ჩაატარონ გაკვეთილები. მშობლების ამ ინიციტივას ფრთხილად შეხვდნენ მასწავლებლები. ამიტომ, სამინისტროში წავიდნენ და ნებართვა სთხოვეს - აბა, თუ გამოიცნობთ რა უთხრეს სამინისტროში. შეგიძლიათო, ანუ მთავარია, ჩვენი პასუხისმგებლობა არ იყოს და რაც გინდათ ის გიქნიათო. ე.ი. მოწესრიგებული სკოლებიდან, სადაც ბავშვები შეძლებისდაგვარად მაქსიმალურად იქნებიან დაცულები, სწავლა იატაკქვეშეთის არაფორმალურ სკოლებში გადაინაცვლებს, სადაც უსაფრთხოების ზომები ვერანაირად ვერ იქნება მღებული. ( ეს ამბავი ერთი სკოლის მაგალითზე ზუსტად რომ არ ვიცოდე, ამ პოსტს არ დავწერდი) ხოდა, მეგობრებო, ახლა თქვენ თვითონ დაასკვენით როგორ სახელმწიფოში ვცხოვრობთ!" - წერს ეკა კვესიტაძე სოციალურ ქსელში.
სიახლეები
- ,,ყველას თანაბრად გვსურს ამ ომის სწრაფად დასრულება"- ზელენსკი
- ურსულა ფონ დერ ლაიენი მიესალმება ტრამპის „მე-5 მუხლის მსგავს“ უსაფრთხოების გარანტიებს და ამბობს, რომ უკრაინა უნდა გახდეს „ფოლადის ზღარბი, რომელიც პოტენციური დამპყრობლებისთვის უგემური და ძნელად მოსანელებელია“
- რუსეთის თავდასხმას ხარკოვში ხუთი ადამიანი ემსხვერპლა, მათ შორის ორი ბავშვია
- დღეს, საოლქო საარჩევნო კომისიები, საუბნო საარჩევნო კომისიების ხელმძღვანელ პირებს და წევრებს აირჩევენ
- “გამოართვა თანხა და სცადა, მოტყუებით დაუფლებოდა 1800 ლარს” – სამსახურეობრივი მდგომარეობის გამოყენებით თაღლითობის ჩადენის ფაქტზე, ერთ პირს ბრალი წარედგინა
