გიზო მელაძე ამერიკაშიც დიდი წარმატებით მოღვაწეობს. აღსანიშნავია ის ფაქტი, რომ ის სხვა სპორტსმენებისგან ილეთის – „გდების“ შესრულების განსხვავებული ვერსიით გამოირჩევა, ამ ფაქტმა მას ძალიან გაუთქვა სახელი.

მიუხედავად იმისა, რომ ბერძნულ-რომაული ჭიდაობა მსოფლიოში ცნობილი უძველესი სპორტია და შეიცავს უამრავ ვარჯიშს, სპორტსმენმა გიზო მელაძემ მასში დიდი წვლილი შეიტანა. წლების წინ მან გამოიგონა ახალი, არაჩვეულებრივი ილეთი, რის შედეგადაც მოიგო მრავალი ტურნირი, შემდეგ კი 2013-14 წლებში ჭიდაობის ეროვნულ ფედერაციაში ეროვნული ნაკრების წვრთნილი სპორტსმენები. ეს ვარჯიში ატარებს მის სახელს - მელაძის გდება და ამის საჩვენებლად მიწვეული იყო მრავალ საერთაშორისო კლუბში თავისი გამოცდილების გასაზიარებლად. საქართველოს შვიდგზის ჩემპიონს და მრავალგზის ტურნირის გამარჯვებულს ვთხოვეთ კომენტარის გაკეთება მის ვარჯიშზე.

შეგახსენებთ, რომ გიზო მელაძეს  საკმაოდ ვრცელი ბიოგრაფია აქვს. ის ამ სპორტით ჯერ კიდევ 8 წლის ასაკში დაკავდა. აქვს უამრავი გამარჯვება. მონაწილეობას იღებდა მსოფლიო ჩემპიონატში და გახდა ბრინჯაოს პრიზიორი (2014-59კგ). შედეგ ევროპის ჩემპიონატის ბრინჯაოს პრიზიორი (2014-55კგ).  ასევე, იყო მსოფლიოს და ევროპის ჩემპიონატების ბრინჯაოს პრიზიორი (2015 - 55კგ).

ყოველწლიურად წარმატებას აღწევდა შრომისმოყვარეობისა და დაუღალავი სამუშაო ეთიკის წყალობით. ტრავმების მიუხედავად, ის ყოველთვის ახერხებდა საუკეთესო ფორმაში ყოფილიყო.

საკუთარი წარმატების შესახებ გიზო მელაძე FirstNews.ge-ს ესაუბრა.

- რა არის თქვენი სწავლის "საიდუმლო", რომელმაც ბერძნულ-რომაულ ჭიდაობაში შენი ხელმოწერა აისახა და ბევრი ტურნირი მოიგო?

- ეს ილეთი ერთ-ერთი ვარჯიშის დროს მოვიგონე, როცა ახლახან დავიწყე ვარჯიში და შემდეგ სრულყოფილება მოვახერხე. ამ ტექნიკით მოვიგე მსოფლიო ჩემპიონატი კადეტებს შორის და გავაგრძელე მისი განხორციელება სხვადასხვა ტურნირებზე. მეც დავიწყე მისი გაზიარება ჩემს კოლეგებთან და მათაც კარგად გამოსდით.  მიმიწვიეს ბევრ ქვეყანაში, რათა გამეზიარებინა ჩემი ტექნიკა. ამერიკაშიც სწორედ ამისთვის მომიწვიეს, რომ ჩემეული ილეთი მასტერკლასები ჩამეტარებინა და გამეზიარებინა ილეთი გდების ტექნიკა.

ზოგადად, გდება მოიცავს თავისა და მკლავის კომბინაციას, მაგრამ მე ვატარებ ვარჯიშს მხოლოდ მაჯებით. ეს არის ჩემი "საიდუმლო". მოვიგე არაერთი საერთაშორისო ტურნირი და ევროპის, მსოფლიო ჩემპიონატი, ვაჩვენე უმაღლესი შესრულება და დავბრუნდი სამშობლოში მედლებით სავსე.

- გიზო, გვიამბეთ,როგორ მოხვდით აშშ-ის ნაკრებთან ერთად შეკრებაზე და რა ტიპის შეკრება იყო?

- შეკრებაზე უშუალოდ ამერიკის ბერძნულ-რომაული სტილის მოჭიდავეთა ეროვნული ნაკრების მთავარი მწვრთნელის - Matt Lindland-ის მიწვევით ვიმყოფებოდი, რომელიც უკვე 21 წელია ნაკრების მთავარი მწვრთნელია, Matt-ს ბევრჯერ უნახავს ჩემი ჭიდაობა სხვადასხვა საერთაშორისო ტურნირზე, მისთვის კარგად ნაცნობია ჩემი სტილი და გდების შესრულების ჩემეული ვერსია. მოგეხსენებათ, ამერიკას ბერძნულ-რომაულ ჭიდაობაში ბოლო 21 წელია ჩემპიონია არ ჰყოლია, სწორედ ამიტომ, Matt-ის დაჟინებული მოთხოვნით და მიწვევით მოვხვდი ატლანტაში, ოლიმპიურ ბანაკში, რათა  გამეზიარებინა გდების შესრულების ჩემეული ვერსია და ჭიდაობის სფეროში ჩემი დიდი გამოცდილება, ამით გამეძლიერებინა გუნდი. მინდა აღვნიშნო, რომ ყველამ ძალიან თბილად მიმიღო, გაუხარდათ ჩემი იქ ყოფნა.

- რა შეგიძლია გვიამბო აშშ-ის ნაკრებზე და როგორი იყო მომზადების პროცესი?

- ზოგადად ვარჯიში იყო ინტენსიური, მიდიოდა ფიზიკური, ტაქტიკური და ტექნიკური მომზადება. ვმუშაობდით როგორც ფიზიკური კონდიციების ამაღლებაზე, ასევე ტაქტიკურად ბრძოლის წაყვანაზე. განვიხილავდით ყველა შესაძლო მეტოქის ძლიერ და სუსტ მხარეებს და ვმუშაობდით ამ კუთხით.

- მოგვიყევით თქვენს შესანიშნავ შედეგებზე Bill Farrell-ის ტურნირზე, ბოლო შედეგებით თქვენ მე-5 ადგილზე ხართ?

- 2023 წლის 17-18 ნოემბერს Bill Farrell Memorial International-ის ტურნირი გაიმართა.  არის პრესტიჟული ჭიდაობის შეჯიბრი, რომელსაც ნიუ-იორკის ატლეტური კლუბი მასპინძლობს. ეს ყოველწლიური ღონისძიება, 60 წელზე მეტი ხნის ტრადიციაა, რომელიც დამტკიცებულია გაერთიანებული მსოფლიო ჭიდაობის (UWW) მიერ. ამ პრესტიჟულ ტურნირში მონაწილეები მთელი მსოფლიოდან იღებდნენ მონაწილეობას. Bill Farrell Memorial International უზრუნველყოფს პლატფორმას ელიტარული მოჭიდავეებისთვის, რათა გამოავლინონ საკუთარი ნიჭი და შეჯიბრონ ნიუ-იორკის ცენტრში.

ნიუ-იორკში გამართულ ტრადიციულ საერთაშორისო ტურნირზე საქართველოს ნაკრები ხუთი სპორტსმენით გამოვიდა და მათ შორის, ერთ-ერთი მე ვიყავი ჩემს წონით კატეგორიაში. ტურნირზე მე-5 ადგილი დავიკავე. ჩავატარე 6 მატჩი და აქედან დავამარცხე 4 მეტოქე. მათ შორის იყვნენ 3 ამერიკის ნაციონალური ნაკრების წევრები: J. Gurule 9-0, R. Peak 6-2, M. Black 6-1 ჩემი ილეთის დახმარებით. ეს ერთ-ერთი განსაკუთრებული და მნიშვნელოვანი წარმატებაა ჩემს სპორტულ კარიერაში.

 - ამჟამად სად იმყოფებით და რა სამომავლო გეგმები გაქვთ?

- ამჟამად მასაჩუსეთის შტატში ვვარჯიშობ, ვაგრძელებ ჩემს საქმიანობას, ვატარებ ტრენინგებს და ვცდილობ ჩემი ცოდნა გავუზიარო აქაურ სპორტსმენებს. ასევე, ვმუშაობ საკუთარი თავის გაუმჯობესებაზე და ვვარჯიშობ, რომ სამომავლოდ უფრო მეტად წარმატებული გავხდე.

- FirstNews.ge თქვენს საქმიანობაში წარმატებას გისურვებთ.
- დიდი მადლობა.

ავტორი: ივლიტა გოგუა