ტყუპები (21 მაისი - 20 ივნისი)

ტყუპებისთვის წლის მეორე ნახევარი ცხოვრების ბევრ სფეროში ცვლილებებს შემოიტანს. შესაძლოა, ნანატრი მოგზაურობა დაგეგმოთ, შეხვდეთ საინტერესო ადამიანებს და უამრავი საინტერესო გამოცდილება დააგროვოთ. წლის მეორე ნახევარი ახალი ცოდნისა და უნარების შესაძენად ერთ-ერთი ყველაზე ხელსაყრელი პერიოდია. თუ უკვე დიდი ხანია, პროფესიის შეცვლას ან ახალი უნარების ათვისებას გეგმავთ, ახლა შესანიშნავი შესაძლებლობა გაქვთ. საერთო ჯამში, ენერგიის მაღალი დონით, შეძლებთ, ყველა მიმართულებით დიდ შედეგებს მიაღწიოთ ისე, რომ ზედმეტი ძალისხმევა არ დახარჯოთ. ზოდიაქოს ამ ნიშნის წარმომადგენლებისათვის საკმაოდ ხელსაყრელი ფინანსური პერიოდიც იწყება. დიდი შანსია, რომ თქვენი შემოსავალი გაიზარდოს, მოგება ნახოთ იმ საქმეში, რომელიც წამოიწყეთ, დაწინაურდეთ, ან მოულოდნელი სიურპრიზი შეგხვდეთ. ასევე, ხელსაყრელი პერიოდია იურიდიული საკითხებისა და ამ მიმართულებით, სასურველი შედეგის მისაღებად.

ქალწული (23 აგვისტო - 22 სექტემბერი)

წლის მეორე ნახევარი ზოდიაქოს ამ ნიშნის წარმომადგენლებს არაერთ სიახლესა და სიურპრიზს ჰპირდება. თუ მარტოხელა ხართ, შესაძლოა, საბოლოოდ შეხვდეთ ადამიანს, რომელიც თქვენს ცხოვრებაში ბედნიერ და ხალისიან დღეებს შემოიტანს. როგორც ასტროლოგები ამბობენ, ეს პერიოდი თქვენთვის რომანტიკული შეხვედრებითა და სასიამოვნო ნაცნობობით იქნება გამორჩეული. თუ უკვე ურთიერთობაში ხართ, წლის მეორე ნახევარი მოულოდნელი სიურპრიზებით სასიამოვნოდ არაერთხელ გაგაკვირვებთ. სამსახურში მოგიწევთ, უფრო მეტი ყურადღება და ძალისხმევა გამოიჩინოთ იმისათვის, რომ დაგროვილ საქმეებს კარგად გაუმკლავდეთ და ყველა ვალდებულება შეასრულოთ. სამაგიეროდ, ეს შანსს გაძლევთ, მეტად განვითარდეთ და საკუთარი შესაძლებლობების ირწმუნოთ. კარგი პერიოდია პრიორიტეტების განსასაზღვრად. დიდი ალბათობით, წლის მეორე ნახევარში განვითარებული მოვლენები სხვადასხვა საკითხზე არაერთხელ დაგაფიქრებთ და შესაძლოა, გარკვეული ურთიერთობები დაასრულოთ, თანამშრომლობა შეწყვიტოთ, უპირატესობა აღარ მიანიჭოთ იმას, რაც ადრე თქვენთვის მნიშვნელოვანი იყო.

მერწყული (20 იანვარი - 18 თებერვალი)

2024 წლის მეორე ნახევარში იღბალი ნამდვილად თქვენ მხარეს იქნება! წინ არაერთი ხელსაყრელი ცვლილება, საინტერესო შეხვედრები, მნიშვნელოვანი ნაცნობობა და ზოგადად, აქტიური პერიოდი გელით. თქვენს უნარებსა და შესაძლებლობებს კიდევ უფრო მეტად დააფასებენ, გახდებით ბევრად პოპულარული და არაერთ საინტერესო საქმიან შეთავაზებასაც მიიღებთ. სიურპრიზები გელით არა მხოლოდ საქმიან, არამედ პირად ცხოვრებაშიც. გამოჩნდებიან ადამიანები, რომლებიც თქვენზე განსაკუთრებულ გავლენას მოახდენენ, მხარს დაგიჭერენ და მოტივაციას მოგცემენ. იგრძნობთ, რომ თქვენი თავდაჯერებულობა გაიზარდა. ამიტომაც, არც თამამი ნაბიჯების გადადგმის შეგეშინდებათ. თქვენთვისაც, ისევე, როგორც ქალწულებისთვის, ეს პერიოდი შეიძლება გარდამტეხი აღმოჩნდეს, როცა საბოლოოდ ჩამოყალიბდებით, რა გსურთ და რის გაკეთებაზე უნდა თქვათ უარი.

თევზები (19 თებერვალი - 20 მარტი)

წლის მეორე ნახევარი მოგცემთ შანსს, თქვენი შესაძლებლობები სრულად გამოავლინოთ და კარიერულ საფეხურზე წინ წაიწიოთ. არ არის გამორიცხული, ხელფასის მომატების, თანამდებობის შეცვლის შესახებ მიიღოთ ინფორმაცია და მოტივაცია კიდევ უფრო მეტად გაგეზარდოთ. ასტროლოგები 2024 წლის მეორე ნახევარს დაგროვილი პრობლემების მოგვარების ეტაპს უწოდებენ, როცა შეგიძლიათ, შეცვალოთ ყველაფერი, რაც არ მოგწონთ და ბედნიერებას აღარ განიჭებთ. ახლა რადიკალური და გამბედავი ნაბიჯების გადადგმის დრო დგება. შესაძლოა, საბოლოოდ დაასრულოთ გარკვეული ურთიერთობები, უარი თქვათ ზოგიერთ ვალდებულებაზე, გაეცალოთ იმ გარემოს, სადაც თავს ცუდად გრძნობთ, მაგრამ რაღაცების გამო მაინც გიწევდათ გაჩერება. ტრანსფორმაციის პერიოდი იწყება, რომელსაც თუ სწორად გამოიყენებთ, ბევრად უფრო მეტ წარმატებასა და აღიარებას მიაღწევთ.

წყარო