June 12, 2024

9 მაისის ასტროლოგიური პროგნოზი

ვერძი

მოვლენებით მდიდარი და აქტიური დღეა. პროფესიულ საქმიანობაში წარმატებას მიაღწევთ. გამონახეთ დრო საყვარელ ადამიანებთან და მეგობრებთან ურთიერთობისთვის. საქმიანი შეხვედრები, ახალი ნაცნობობა და მოგზაურობა წარმატებული იქნება. დროა, დიდი ხნის უნახავ ახლობელს დაურეკოთ და მოიკითხოთ.

კურო

ენერგიით სავსე ხართ და მისი ეფექტურიანად დახარჯვა გსურთ. შემოსავლის დამატებით წყაროზე უარს ნუ იტყვით, მაგრამ სიფრთხილით მოეკიდეთ და ცხოვრების მთავარ მიზნად ნუ აქცევთ. არახელსაყრელი დღეა სარისკო გადაწყვეტილებებისთვის, სამაგიეროდ - მშვენიერი დღეა საოცნებო ნივთის შესაძენად.

ტყუპები

ხელსაყრელი დღეა სოციალურ და გასართობი ღონისძიებებზე დასწრებისთვის. გირჩევთ, მეტი იაქტიუროთ და გარშემო ენერგიული ადამიანები შემოიკრიბოთ. შესაძლოა, გეგმების განხორციელების შანსი მოგეცეთ და ხელიდან ნუ გაუშვებთ. უსაქმოდ ჯდომას და წუწუნს გამოსავლის ძიება სჯობს, რომელსაც აუცილებლად იპოვით.

კირჩხიბი

ამ დღეს პირად ურთიერთობებში სულიერი სიახლოვე და ჰარმონია განსაკუთრებით მნიშვნელოვანი იქნება. ვარსკვლავები გირჩევენ, რომ ნათესავები მოინახულოთ. მათთან გულწრფელი საუბარი ბევრ რამეზე თვალს აგიხელთ. შესაძლოა, ამ დღეს ვინმეს საიდუმლო გაიგოთ. კარგი დღეა შემოქმედებითი პროფესიის ადამიანებისთვის, მაგრამ ეცადეთ არ გადაიღალოთ.

ლომი

დაუსრულებელი საქმეები მძიმე ტვირთს ჰგავს, რომელიც წინსვლაში ხელს გიშლით. ეცადეთ, ამ ტვირთისგან რაც შეიძლება მალე გათავისუფლდეთ. ეცადეთ, საკუთარი სიტყვები აკონტროლოთ და გარშემო მყოფებს კრიტიკული შენიშვნებით თავი არ მოაბეზროთ. თუ პრეტენზიები გამოთქმას აპირებთ, ისე გააკეთეთ, რომ არავინ გაანაწყენოთ.

ქალწული

ამ დღეს ასაკით უფროს ან თანამდებობით თქვენზე მაღლა მყოფ ადამიანთან ურთიერთობის მოგვარებას ცდილობთ. თუ არ იზარმაცებთ, მუშაობა სასურველ შედეგს მოგიტანთ. პირად ურთიერთობებში სასიამოვნო ცვლილებები გელით. ეცადეთ, ემოციური ენერგია სამუშაოსკენ მიმართოთ და არა - განცდებისკენ. სიახლეებისა და ექსპერიმენტებისთვის არახელსაყრელი დღეა.

სასწორი

კარგი დღეა მოგზაურობის ან შვებულების დასაგეგმად. შესაძლოა, საყვარელი ადამიანისგან საინტერესო შეთავაზება მიიღოთ. ვარსკვლავები გირჩევენ, რომ დღე აქტიურად გაატაროთ. თუ თქვენს ცხოვრებაში პრობლემა გაჩნდა, ეს ნიშნავს, რომ მნიშვნელოვან საკითხთან დაკავშირებით არასწორი გადაწყვეტილება მიიღეთ, თუმცა შეცდომის გამოსწორება ჯერ კიდევ შეიძლება.

მორიელი

თქვენს ყოველდღიურ ცხოვრებაში შეიძლება ცვლილებები მოხდეს. სავარაუდოდ, ისინი ნათესავებთან ურთიერთობას ან ყოველდღიურ რუტინას ეხება. ის, რაც სხვებისთვის დაბრკოლებას წარმოადგენს, შეიძლება თქვენთვის სასარგებლოდ გამოიყენოთ. თუმცა ახალი საქმის დაწყება რამდენიმე დღით უნდა გადადოთ.

მშვილდოსანი

9 მაისი კარგი დღეა ახალი ნაცნობობისთვის. სანამ შეთავაზებულ პირობებს დათანხმდებით, კარგად დაფიქრდით, რას მიიღებთ საბოლოოდ და მოგიწევთ თუ არა საკუთარ ინტერესებზე უარის თქმა.

თხის რქა

თუ სამუშაო დროს სწორად გაანაწილებთ, ბევრის გაკეთებას შეძლებთ. პირადი მოთხოვნების დაკმაყოფილება ან გავლენის სფეროს გაფართოება საუკეთესო სტიმული იქნება, თუმცა შემდეგ საფეხურზე ასასვლელად სიზარმაცის დაძლევა მოგიწევთ.

მერწყული

ყოველმხრივ შესანიშნავი დღეა. რთული პროექტის დასრულების შემდეგ შეგიძლიათ თავს განტვირთვის საშუალება მისცეთ და დასასვენებლად წახვიდეთ. მონდომებული და მიზანსწრაფული ხართ, მაგრამ შედეგის მისაღწევად მხოლოდ ეს არ კმარა. დაწყებული საქმის წარმატებით დასრულებისთვის ინიციატივის გამოჩენა და გამჭრიახობა დაგჭირდებათ.

თევზები

უმჯობესია, ეს დღე ოჯახს და სახლს დაუთმოთ. შეგიძლიათ წვეულება მოაწყოთ და ნათესავები მოიწვიოთ. დღის მეორე ნახევარში თქვენი ენერგია და შრომის ნაყოფიერება იმდენად გაიზრდება, რომ ყველა რთული და უსიამოვნო დავალების დასრულებას შეძლებთ.

წაკითხვა 157 ჯერ

სიახლეები

ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.