ინტუიცია შინაგანი ხმა არის, რომელიც ყველას აქვს, მაგრამ მისი მოსმენა ყველას არ შეუძლია. ხშირად საკუთარ ინტუიციას უგულებელყოფთ და შემდეგ ამის გამო ნანობთ.

რაც უფრო მეტად განავითარებთ თქვენს მეექვსე გრძნობას, მით უფრო ზუსტი ინტუიცია გექნებათ.

აი, 6 ზოდიაქოს ნიშანი ყველაზე ძლიერი ინტუიციით, რომელთაც წყალობით ადამიანების წიგნივითწაკითხვას ახერხებენ.

ზოდიაქოს ნიშნების ინტუიცია

1.კირჩხიბი (21 ივნისი - 22 ივლისი)

კირჩხიბის ინტუიცია გრძნობების შესანიშნავ გაგებასთან არის დაკავშირებული, სწორედ ამიტომ გასაოცარი არაა, რომ მას ძალიან მკაფიოდ გამოხატული შინაგანი ხმა აქვს.

მას არა მხოლოდ ახლობელი ადამიანის განცდების ადვილად გაგება, არამედ სრულად უცნობი ადამიანის მდგომარეობის აღქმაც შეუძლია.

კირჩხიბის ინტუიცია ერთ-ერთი მიზეზია, რის გამოც ადამიანებს მისთვის ფიქრების გაზიარება უადვილდებათ. ბევრმა იცის, რომ კირჩხიბი მის გაგებას ზედმეტი ახსნის აუცილებლობის გარეშე შეძლებს.

2.თევზები (19 თებერვალი - 20 მარტი)

კარგი ინტუიციის მქონე ადამიანი შემოქმედია, ხოლო თევზები ერთ-ერთი ყველაზე შემოქმედებითი ზოდიაქოს ნიშანია. ძალიან ხშირად თევზები შთაგონებას სწორედ საკუთარ ინტუიციაში პოულობენ.

უბრალოდ მეექვსე გრძნობას ენდობიან და ზოგჯერ ვერ ხვდებიან, თუ ასეთ გასაოცარ რამეს როგორ ქმნიან.

სრულად უსარგებლოა თევზებს მათი შთაგონების წყაროს შესახებ ჰკითხოთ, რადგან ის იმდენად ღრმად, შიგნით იმყოფება, რომ ჩვეულებრივი ადამიანებს მისი აღება გაუჭირდება. თევზები ძალიან მგრძნობიარეები არიან და იციან, როდის რა უნდა მოხდეს.

3.მორიელი (23 ოქტომბერი - 21 ნოემბერი)

მორიელებს წარმოუდგენელი ინტუიცია აქვთ, განსაკუთრებით, როცა საქმე სხვა ადამიანებს ეხებათ. ისინი ტყუილს უბრალოდ გრძნობენ. როგორც არ უნდა ეცადოთ სიმართლის დამალვას, მორიელი სიმართლემდე მაინც მიაღწევს.

მორიელმა საკუთარი ძლიერი და სუსტი მხარეების შესახებ კარგად იცის და ადამიანების მოტივაციაში კარგად ერკვევა: რას აკეთებენ, რას ფიქრობენ და რატომ.

მორიელის მოტყუებას ვერ შეძლებთ, რადგან მათ საკუთარი თავის მოტყუებაც არ შეუძლიათ.

მათი ინტუიცია იმდენად ძლიერია, რომ ზოგჯერ შეიძლება მოგეჩვენოთ, რომ თქვენს ფიქრებს კითხულობენ.

4.ქალწული (23 აგვისტო - 22 სექტემბერი)

ქალწული ძალიან დაკვირვებულია და ეს მათ კარგ ინტუიციას ხსნის: მათ მხედველობიდან არასდროს არაფერი გამორჩებათ.

ქალწული მის ირგვლივ მომხდარ ნებისმიერ წვრილმანს ამჩნევს, განსაკუთრებით იმას, რასაც უმეტესობა ჩვენგანი ყურადღებას არ აქცევს.

ისინი ნებისმიერ საკითხზე დიდხანს ფიქრობენ. ნებისმიერი საქმე მათთვის ნამდვილ ამოცანას წარმოადგენს და ეს ზედაპირის ქვეშ პასუხის ძიებას აიძულებს.

5.სასწორი (23 სექტემბერი - 22 ოქტომბერი)

სასწორი ინფორმირებულია ყველაფრის შესახებ: საკუთარი თავის, საკუთარი ფიქრების, გრძნობების და იმის შესახებ, რაც მის ირგვლივ ხდება. საკუთარი ინტუიციის წყალობით პოტენციური საფრთხის შეგრძნება შეუძლიათ, მაგრამ ოპტიმიზმს არ კარგავენ.

სასწორს შეუძლია დაინახოს დადებითი მხარე იქ, სადაც სხვები იმედს და ოპტიმიზმს კარგავენ.

სასწორს ნებისმიერი სიტუაციის გარკვევა, სხვადასხვა მხარის, განსაკუთრებით კამათის დროს, დანახვა შეუძლია. ის ყველაფრის შავ-თეთრ ფერებში დანახვაზე უარს აცხადებს, რადგან ინტუიციურად იცის, რომ უბრალოდ არაფერი ხდება.

6.ტყუპები (21 მაისი - 20 ივნისი)

ტყუპები ძალიან კომუნიკაბელური ადამიანები არიან და ინსტიქტურად იციან, ადამიანებზე დადებითი შთაბეჭდილება როგორ მოახდინონ ან მათთან საუბარი როგორ დაიწყონ.

ტყუპებმა იციან, თუ რას ეტყვით მანამ, სანამ სიტყვას წარმოთქვამთ და ხშირად წინადადებას სხვების ნაცვლად ამთავრებს.

ეს მრავალფეროვანი პიროვნებაა, რომელსაც ინტუიცია ყოველთვის უკარნახებს, თუ როგორ მოიქცნენ ამა თუ იმ სიტუაციაში. მათ კარგი პირველი შთაბეჭდილების მოხდენა შეუძლიათ.

კარგად განვითარებული ინტუიციის წყალობით ტყუპებს ხშირად ცხადი სიზმრები ესიზმრებათ. სავსებით შესაძლებელია, რომ ამ სიზმრებში შეტყობინებებს ღებულობენ, მაგრამ ამის შესახებ უკვე არ ვიცით.

http://intermedia.ge